Eyjamaðurinn markahæstur

Eyjamaðurinn Elliði Snær Viðarsson var markahæstur hjá Íslendingaliðinu Gummersbach er það vann nauman útisigur á Erlangen, 28:27, í 2. umferð þýska bikarsins í handbolta í dag.

Teitur Örn Einarsson lék ekki með liðinu vegna meiðsla. Guðjón Valur Sigurðsson þjálfar Gummersbach.

Leipzig hafði betur gegn N-Lübbecke, 32:23. Andri Már Rúnarson skoraði tvö mörk fyrir Leipzig. Viggó Kristjánsson var ekki með. Rúnar Sigtryggsson þjálfar Leipzig.

Ýmir Örn Gíslason skoraði tvö mörk fyrir Göppingen í svekkjandi tapi fyrir Füchse Berlín á útivelli, 37:36.

Balingen vann Wetzlar, 34:32, á heimavelli. Daníel Þór Ingason skoraði eitt mark fyrir Balingen.

Rhein-Neckar Löwen er einnig komið áfram eftir útisigur á Hagen, 29:26. Arnór Snær Óskarsson komst ekki á blað hjá Löwen. Hákon Daði Styrmisson lék ekki með Hagen vegna meiðsla.

Lærisveinar Arnórs Þór Gunnarssonar hjá Bergischer sigruðu Elbflorenz á útivelli, 36:32. Þá vann Hannover Burgdorf 36:33-útisigur á Lübeck-Schwartau. Heiðmar Felixson er aðstoðarþjálfari Hannover-Burgdorf.

• Blogga um frétt