„Ég skelf í öllum líkamanum“

Norski handknattleiksmarkvörðurinn Katrine Lunde segir erfitt að hugsa til þess ef félagslið hennar Vipers Kristiansand verður lýst gjaldþrota eins og útlit er fyrir.

Vipers hef­ur átt eitt besta kvennalið heims í hand­bolta und­an­far­in ár en á í mikl­um fjár­hags­vand­ræðum. Ef ekki tekst að út­vega 25 millj­ón­ir norskra króna, 332 millj­ón­ir ís­lenskra króna, fyrir föstudag verður fé­lagið lýst gjaldþrota.

Frétt af mbl.is

Stórveldi á barmi gjaldþrots

Lunde greindi frá því í samtali við norska ríkisútvarpið að leikmenn hafi verið kallaðir á fund í gærmorgun þar sem þeim var tilkynnt um stöðuna.

Félagið hélt í kjölfarið blaðamannafund í gær og opinberaði að Vipers sé á barmi gjaldþrots.

„Ég skelf í öllum líkamanum og finnst eins og ég hafi hlaupið maraþon í allan dag,“ sagði hin 44 ára gamla Lunde við NRK.

• Blogga um frétt