Ungverska stórliðið Veszprém hafði betur gegn Fredericia frá Danmörku, 34:32, á heimavelli í Meistaradeild Evrópu í handbolta í kvöld.
Bjarki Már Elísson átti flottan leik fyrir Veszprém og skoraði fjögur mörk. Hvorki Arnór Viðarsson né Einar Þorsteinn Ólafsson skoruðu fyrir Fredricia, sem Guðmundur Þórður Guðmundsson þjálfar.
Veszprém er í toppsæti A-riðils með átta stig. Fredericia er á botninum, án stiga.
Í B-riðli mátti Kolstad frá Noregi þola tap gegn Kielce frá Póllandi á heimavelli, 33:32. Sigvaldi Björn Guðjónsson skoraði fimm mörk fyrir Kolstad og þeir Sveinn Jóhannsson og Benedikt Gunnar Óskarsson sitt markið hvor.
Kolstad er í botnsætinu með tvö stig.