Aron búinn að skrifa undir í Ungverjalandi
Setja bókamerki
Aron Pálmarsson, fyrirliði íslenska karlalandsliðsins í handknattleik, er genginn til liðs við ungverska stórliðið Veszprém á nýjan leik.
Þetta herma heimildir mbl.is og Morgunblaðsins en tilkynnt verður um félagaskiptin síðar í dag. Aron skrifaði undir tveggja ára samning í Ungverjalandi.
Aron, sem er 34 ára gamall, sneri heim til Íslands eftir 14 ár í atvinnumennsku árið 2023 og samdi þá við uppeldisfélag sitt FH. Hann varð Íslandsmeistari með liðinu í fyrsta sinn í vor.
Aron þekkir vel til hjá Veszprém en hann lék með liðinu á árunum 2015 til 2017 og varð tvívegis meistari með liðinu og tvívegis bikarmeistari.
Hann hefur einnig leikið með Kiel í Þýskalandi, Barcelona á Spáni og Aalborg í Danmörku á atvinnumannaferlinum.
Hjá Veszprém hittir hann fyrir Bjarka Má Elísson, landsliðsmann í handknattleik, en þeir eru meðal annars herbergisfélagar í íslenska landsliðinu.
Vistmaður og starfsmaður á bráðamóttöku
Sigríður Andersen til Miðflokksins
Þekkt andlit: „Ekki endilega góð þróun fyrir lýðræðið“
Ráðgjöfin kostaði 1,7 milljónir króna
Mikil bylgja jákvæðni eftir stjórnarslitin
Þórdís tók 2. sætið og Jón á útleið
„Það hefur verið komið að máli við mig“