Bjarki sterkur í Íslendingaslag
Setja bókamerki
Ungverska liðið Veszprém sigraði Fredericia frá Danmörku, 40:31, á útivelli í Meistaradeild Evrópu í handbolta í Íslendingaslag í kvöld.
Bjarki Már Elísson átti flottan leik fyrir Veszprém og skoraði sex mörk. Aron Pálmarsson gerði tvö. Einar Þorsteinn Ólafsson komst ekki á blað hjá Fredericia og Arnór Viðarsson er frá vegna meiðsla. Guðmundur Guðmundsson þjálfar Fredericia.
Veszprém er á toppi A-riðils með 18 stig en Fredericia á botninum með aðeins þrjú.
Í sama riðli máttu Viktor Gísli Hallgrímsson og liðsfélagar hans hjá Wisla Plock þola tap á útivelli gegn Pelister frá Norður-Makedóníu, 21:18. Viktor varði sex skot í marki pólska liðsins, sem er í sjöunda sæti með fjögur stig.
Í B-riðli máttu Íslendingaliðin þola naum töp á útivelli. Kolstad frá Noregi tapaði fyrir Kielce frá Póllandi, 31:30. Arnór Snær Óskarsson skoraði fjögur mörk fyrir Kolstad, Sveinn Jóhannsson tvö og þeir Sigvaldi Björn Guðjónsson og Benedikt Gunnar Óskarsson sitt markið hvor. Kolstad er í sjöunda sæti með sex stig.
Þýska liðið Magdeburg tapaði fyrir Nantes frá Frakklandi, 29:28. Gísli Þorgeir Kristjánsson skoraði tvö mörk fyrir Magdeburg. Ómar Ingi Magnússon lék ekki með liðinu vegna meiðsla. Magdeburg er í sjötta sæti með sjö stig.
Spá 13-18 stiga frosti í borginni
38 létust í flugslysi
Var að slitna frá bryggju sökum hvassviðris
/frimg/1/53/82/1538213.jpg)
„Hálendið eiga menn að skoða“
Fuglager í Grindavík: „Þetta var bara pínu magnað“
Feðgar saman í Grænlandstúr á jólum
Hellisheiði og Þrengsli ekki opnuð í dag