Ísland mætir Ísrael í umspilinu

Ísland mætir Ísrael í tveimur umspilsleikjum um sæti á heimsmeistaramóti kvenna í handknattleik í Þýskalandi og Hollandi á næsta ári. 

Ísland var í efri styrkleikaflokki fyrir dráttinn eftir sigurinn á Úkraínu á EM í byrjun þessa mánaðar. 

Ísraelska liðið var ekki með á Evrópumótinu í ár. Með sigri í umspilseinvíginu kæmist Ísland á sitt þriðja stórmót í röð.

Fyrri viðureign liðanna fer fram hérlendis 9. eða 10. apríl næstkomandi. Seinni leikurinn fer síðan fram í Ísrael eða á öðrum velli utan landsins vegna stríðsátakanna fyrir botni miðjarðarhafs. 

Svíar mæta þá Kósovó og Færeyjar Litháen. 

• Blogga um frétt