Landsliðskonan ristarbrotnaði

Díana Dögg Magnúsdóttir, landsliðskona í handknattleik, ristarbrotnaði í síðasta leik sínum með félagsliði sínu Blomberg-Lippe og verður af þeim sökum frá keppni næstu vikur.

Díana Dögg skýrði frá því í samtali við Handbolta.is að hún hafi brotnað undir lok fyrri hálfleiks í 34:32-sigri á Mosonmagyarovari í Evrópudeildinni í Ungverjalandi um helgina en hafi ákveðið að halda leik áfram í síðari hálfleik til þess að leggja lóð sín á vogarskálarnar.

Frétt af mbl.is

Lygileg frammistaða landsliðskonunnar

Það gerði Díana Dögg svo um munaði en hún gaf tólf stoðsendingar og skoraði þrjú mörk fyrir þýska liðið.

„Vonandi verður ekki þörf á aðgerð en sú ákvörðun verður tekin í næstu viku. Ég er að minnsta kosti komin í spelku.

Brotið liggur ekkert alltof vel en vonandi grær þetta rétt saman og að aðgerð verði óþörf,“ sagði hún í samtali við Handbolta.is.

• Blogga um frétt