Fer til Hamborgar í sumar

Ein­ar Þor­steinn Ólafs­son, landsliðsmaður í hand­knatt­leik, hef­ur samið við þýska fé­lagið Hamburg um að leika með því næstu tvö tíma­bil. Geng­ur hann til liðs við fé­lagið í sum­ar.

Ein­ar Þor­steinn, sem er 23 ára gam­all varn­ar­maður og vinstri skytta, kem­ur frá danska fé­lag­inu Fredericia þar sem hann er að ljúka sínu þriðja tíma­bili í vor. Þangað kom hann frá Val.

Hamburg leik­ur í efstu deild Þýska­lands þar sem liðið er í 11. sæti af 18 liðum en fé­lagið varð Þýska­lands­meist­ari í fyrsta og eina skiptið til þessa árið 2011. Þá vann það Meist­ara­deild Evr­ópu árið 2013, Evr­ópu­keppni bik­ar­hafa árið 2007 og þýsku bik­ar­keppn­ina árin 2006 og 2010.

Seg­ir í til­kynn­ingu fé­lags­ins að Ein­ar Þor­steinn sé sér­fræðing­ur í varn­ar­leik en hann hef­ur verið í vax­andi hlut­verki í vörn ís­lenska landsliðsins og hef­ur spilað með því á  tveim­ur síðustu stór­mót­um. Ein­ar lék sinn 21. lands­leik gegn Grikklandi á laug­ar­dag­inn.

Faðir hans, Ólaf­ur Stef­áns­son, lék lengi vel í Þýskalandi en Ein­ar Þor­steinn er fædd­ur í Mag­deburg þar í landi árið 2001, sama ár og Mag­deburg vann sinn fyrsta meist­ara­titil í sög­unni með Al­freð Gísla­son sem þjálf­ara og þá Ólaf og Sig­fús Sig­urðsson sem leik­menn.

• Blogga um frétt