Cristiano Ronaldo hafði lítinn áhuga á að fagna mögnuðum 6:1-sigri Portúgals gegn Sviss á HM karla í fótbolta í Katar í gærkvöldi.
Ronaldo byrjaði á bekknum í gær og kom inn á sem varamaður á 73. mínútu í stöðunni 5:1. Ronaldo kann illa við sig á varamannabekknum og gaf sér lítinn tíma til að fagna með liðsfélögum sínum eftir leik.
Portúgalska liðið lék gríðarlega vel án Ronaldos og Gonçalo Ramos, 21 árs framherji Benfica, kom inn í liðið í stað stórstjörnunnar og skoraði þrennu.
Í meðfylgjandi myndskeiði má sjá Ronaldo ganga af velli á meðan liðsfélagar hans eru á leiðinni að fagna með stuðningsmönnum.
At best, this is Ronaldo first off the pitch after thanking fans and celebrating briefly with teammates. At worst, this is 🇵🇹 CAPTAIN Ronaldo shunning his teammates during his NATION'S moment of glory. A curiously isolated star at the wrong time either way. (via @Davenbort) pic.twitter.com/FPKFE5pP6L
— Men in Blazers (@MenInBlazers) December 6, 2022