Markvörðurinn brýtur okkur

 „Við för­um með dauðafæri og töp­um mörg­um bolt­um í lok­in. Við brot­um svo­lítið þar. Markvörður­inn brýt­ur okk­ur hægt og ró­lega niður,“ sagði Elliði Snær Viðars­son, varn­ar- og línumaður ís­lenska landsliðsins í hand­bolta, í sam­tali við mbl.is.

Elliði var eins og aðrir Íslend­ing­ar sár eft­ir 28:30-tapið gegn Ung­verjalandi á HM í kvöld. Þrátt fyr­ir að Ísland hafi átt hræðileg­an kafla í lok­in, leið Elliða ekki illa á vell­in­um.

„Það er ekk­ert slæmt. Ég missti aldrei trúna og mér leið alltaf eins og við vær­um að fara að klára þetta. En svo var tím­inn okk­ar versti óvin­ur und­ir lok­in.“

Elliði gat ekki leynt von­brigðum sín­um eft­ir leik. mbl.is/​Krist­inn Magnús­son

Elliði sagði ís­lenska liðið alls ekki hafa farið að verja for­skotið sitt. „Nei, við vor­um að fá dauðafæri eft­ir dauðafæri og við höld­um áfram að keyra all­an leik­inn. Við erum aldrei að verkja neitt, held­ur ætluðum við að sækja til sig­urs.“

En hvernig jafn­ar maður sig eft­ir högg sem þetta?

„Það er bara sama sag­an. Við end­ur­heimt­um og svo er ró­leg­ur dag­ur á morg­un. Við horf­um aft­ur á leik­inn og reyn­um að greina hvar við ger­um mis­tök.

Við erum með svo­lítið af tækni­feil­um sem þarf að skoða líka. Við fín­púss­um það og und­ir­bú­um okk­ur svo fyr­ir erfiðan leik á móti Suður-Kór­eu. Þeir stóðu vel í Portú­göl­un­um og við verðum að gefa okk­ur alla í það,“ sagði Eyjamaður­inn.

• Blogga um frétt