Stórsigur heimsmeistaranna í fyrsta leik

Þórir Hergeirsson og lærisveinar hans í norska kvennalandsliðinu í handknattleik fara vel af stað á heimsmeistaramótinu sem hófst í dag en Noregur á titil að verja á mótinu.

Noregur vann stórsigur gegn Grænlandi, 43:11, í C-riðli keppninnar í Stavanger í Noregi þar sem Camilla Herrem var markahæst með sjö mörk.

Frétt af mbl.is

Stórsigur Brasilíu – Austurríki skoraði í blálokin

Leikurinn var aldrei spennandi en Norðmenn leiddu með 12 mörkum í hálfleik, 19:7. 

Stine Skogrand skoraði sex mörk fyrir Noreg og þær Kristina Novak og Maja Sæteren fimm mörk hvor.

Noregur er með tvö stig í efsta sæti riðilsins líkt og Austurríki sem vann Suður-Kóreu fyrr í dag.

Þá vann Spánn stórsigur gegn Kasakstan í G-riðli keppninnar í Fredrikshavn í Danmörku, 34:17.

Maitene Martínez, Kaba Cissokho og Mireya Álvarez skoruðu fimm mörk hver fyrir Spánverja sem eru með 2 stig í efsta sæti G-riðils, líkt og Brasilía sem vann 35:20-sigur gegn Úkraínu fyrr í dag.

• Blogga um frétt