Var ógeðslega leiðinleg að skemma það

Markvörðurinn Elín Jóna Þorsteinsdóttir átti mjög góða innkomu í mark Íslands er liðið vann 30:28-sigur á Kongó og tryggði sér Forsetabikarinn á HM í Frederikshavn í Danmörku í kvöld.

Varði Elín m.a. víti frá Fanta Digouraga, sem hafði verið ein besta vítaskyttan á HM þar til hún mætti Elínu.

„Ég veit ekki hvort þú varst búinn að sjá það á Instagram, en hún var búin að skora úr 17 af 17 vítum fyrir þennan leik. Ég var ógeðslega leiðinleg að skemma það hjá henni,“ sagði Elín lauflétt við mbl.is eftir leik.

• Blogga um frétt