Áfall fyrir Sviss rétt fyrir HM

 Ítalía hafði betur gegn Sviss, 31:29, í vináttuleik í gærkvöldi fyrir heimsmeistaramót karla í handbolta í janúar og lykilleikmaður Sviss fór meiddur af velli í leiknum.

Manuel Zehnder meiddist á hné um miðjan seinni hálfleik og óttast er að meiðslin séu alvarleg en hann fer í rannsóknir um helgina. Hann var markahæstur í 1. deild í Þýskalandi á síðustu leiktíð.

Zehnder er liðsfélagi Ómars Inga Magnússonar í Magdeburg í Þýskalandi en liðið hefur verið að glíma við mikil meiðslavandræði. Ómar Ingi er meiddur og þeir Oscar Bergendahl, Felix Claar, Tim Hornke og Philipp Weber.

Frétt af mbl.is

Ómar Ingi: „Þetta gæti staðið ansi tæpt“

Heimsmeistaramótið hefst 15. janúar og Sviss mætir Tékklandi í fyrsta leik A-riðils 17. janúar.

• Blogga um frétt