Þá lendir þú í veseni

Íslenska karla­landsliðið í hand­bolta mæt­ir Græn­höfðaeyj­um í fyrsta leik sín­um á heims­meist­ara­mót­inu klukk­an 19.30 í Za­greb í kvöld.

Er um skyld­u­sig­ur að ræða, eins og í öðrum leik gegn Kúbu. Ísland fær svo verðugt verk­efni gegn Slóven­íu í loka­leik riðils­ins.

„Við erum fyrst og fremst að hugsa um þenn­an fyrsta leik. Við meg­um ekki hugsa of langt fram í tím­ann. Við hugs­um um einn dag í einu. Við vilj­um vera vel und­ir­bún­ir fyr­ir fyrsta leik.

Ef þú tek­ur þess­um leikj­um ekki al­var­lega þá lend­ir þú í veseni. Það sást á móti Georgíu um dag­inn. Við vilj­um samt úr­slita­leik á móti sterku liði Slóvena,“ sagði Elv­ar Örn Jóns­son, leikmaður Íslands, í sam­tali við mbl.is á hót­eli liðsins í Za­greb.

Elv­ar hef­ur samið við Mag­deburg og byrj­ar að leika með liðinu á næsta tíma­bili. Hann er sem stend­ur hjá Melsungen, sem er í topp­sæti þýsku 1. deild­ar­inn­ar.

„Það er mjög spenn­andi. Mér finnst þetta vera rétta skrefið fyr­ir mig. Þetta lið hef­ur spilað í Meist­ara­deild­inni und­an­far­in ár og von­andi held­ur það áfram,“ sagði Elv­ar Örn.

• Blogga um frétt