Ísland í úrslitaleik eftir risasigur
Setja bókamerki
Íslenska karlalandsliðið í handbolta vann öruggan sigur á Kúbu, 40:19, í öðrum leik sínum á HM karla í handbolta í Arena Zagreb-höllinni í höfuðborg Króatíu í kvöld. Ísland leikur úrslitaleik við Slóveníu um toppsæti riðilsins á mánudagskvöldið.
Liðin skiptust á að skora í upphafi leiks og var staðan 3:3 eftir tæpar fimm mínútur. Elliði Snær Viðarsson kom Íslandi svo yfir í fyrsta skipti í stöðunni 4:3.
Aron Pálmarsson breytti stöðunni svo í 5:3 með sínu öðru marki og greinilegt að fyrirliðinn er í góðu formi eftir meiðsli undanfarnar vikur, en hann spilaði um hálfan fyrri hálfleikinn. Munurinn var síðan fjögur mörk í stöðunni 9:5 eftir tíu mínútna leik.
Ísland hélt áfram að keyra yfir Kúbu og var munurinn níu mörk þegar fyrri hálfleikur var rúmlega hálfnaður, 14:5. Þegar fyrri hálfleikur var allur munaði tólf mörkum á liðunum, 21:9, og stefndi í þægilegan seinni hálfleik.
Munurinn var kominn upp í 15 mörk snemma í seinni hálfleik, 25:10. Vont varð síðan verra fyrir Kúbu þegar seinni hálfleikur var tæplega hálfnaður því Maiko Vázquez fékk beint rautt spjald fyrir að brjóta illa á Orra Frey Þorkelssyni.
Ísland hélt áfram að bæta í forskotið og var munurinn 18 mörk þegar seinni hálfleikur var hálfnaður, 31:13. Var þá aðeins spurning hve stór sigurinn yrði. Að lokum munaði 21 marki á liðunum.
Orri Freyr Þorkelsson, Þorsteinn Leó Gunnarsson og Elliði Snær Viðarsson voru markahæstir hjá Íslandi með fimm mörk hver. Viggó Kristjánsson skoraði fjögur. Viktor Gísli Hallgrímsson varði átta skot í markinu og Björgvin Páll Gústavsson sjö.
Aðrir virkir leikir
| Brentford | 0:2 | Liverpool |
|
|---|---|---|---|
| Darwin Núnez (Liverpool) skorar 0:1 - Alexander-arnold sendir boltann á Núnez sem sem setti boltann fast í fjær. | |||
| Valur | 31:26 | Málaga |
|
|---|---|---|---|
| Elísa Elíasdóttir (Valur) skoraði mark | |||
| Arsenal | 2:2 | Aston Villa |
|
|---|---|---|---|
| Raheem Sterling (Arsenal) fær gult spjald +4 Stöðvaði skyndisókn. | |||
Leiklýsing
| Ísland | 40:19 | Kúba |
|
|---|---|---|---|
| Osmani Miniet (Kúba) skoraði mark | |||
Gerir ráð fyrir frekari málaferlum
Skjálfti upp á 3,3 við Keili
Flóttafólk vegna skipulagsklúðurs
Fagnar brú sem hann áður gagnrýndi
„Aldrei tekist áður í heiminum“
760 manns eru í vinnu í Grindavík
Hringvegurinn settur á óvissustig
Veltir deilumálinu fyrir sér
