Ein breyting á leikmannahópi Íslands

Haukur Þrastarson kemur inn í leikmannahóp Íslands fyrir leikinn mikilvæga gegn Egyptalandi í 1. umferð milliriðils fjögur á heimsmeistaramótinu í handknattleik í Zagreb í kvöld.

Einar Þorsteinn Ólafsson er utan hóps, ásamt Sveini Jóhannssyni sem er meiddur, en Einar Þorsteinn kom inn í leikmannahópinn í fyrsta sinn á mótinu fyrir leikinn gegn Slóveníu í lokaumferð riðlakeppninnar.

Íslenska liðið er með fjögur stig, líkt og Egyptaland, og toppsæti riðilsins því undir þegar liðin mætast í kvöld klukkan 19:30 en leikurinn verður í beinni textalýsingu á mbl.is.

• Blogga um frétt