Egyptar sigraðir og Ísland í toppmálum

Ísland tók risa­stórt skref í átt­ina að átta liða úr­slit­um heims­meist­ara­móts karla í hand­bolta með sigri á Egyptalandi, 27:24, í fyrsta leik liðanna í mill­iriðli í Za­greb í kvöld. Ísland er á toppi riðils­ins með sex stig, tveim­ur stig­um meira en Egypta­land, Króatía og Slóven­ía.

Hef­ur ís­lenska liðið unnið alla fjóra leiki sína á mót­inu til þessa.

Lítið var skorað í upp­hafi leiks og var Jan­us Daði Smára­son með eina markið fyrstu tæpu sjö mín­út­urn­ar. Vikt­or Gísli Hall­gríms­son byrjaði mjög vel í mark­inu og var staðan 1:0 fram að 7. mín­útu þegar Jan­us breytti stöðunni í 2:0.

Gísli Þor­geir Kristjáns­son stöðvaður í gegn­um­broti í leikn­um í kvöld. mbl.is/​Eyþór

Egypt­ar skoruðu næstu tvö mörk og jöfnuðu í 2:2 á 9. mín­útu. Ísland náði frum­kvæðnu aft­ur eft­ir það og Orri Freyr Þorkels­son breytti stöðunni í 5:3 á 13. mín­útu. Mun­ur­inn varð þrjú mörk í fyrsta skipti í stöðunni 7:4 skömmu síðar.

Liðin skipt­ust á að skora næstu mín­út­ur. Ísland hélt for­yst­unni, án þess þó að ná að hrista Egypt­ana af sér. Mun­ur­inn varð þó fjög­ur mörk í fyrsta og eina skiptið í fyrri hálfleik þegar Viggó Kristjáns­son skoraði úr víti eft­ir að leiktím­inn rann út.

Snorri Steinn Guðjóns­son og leik­menn á bekkn­um fagna marki í kvöld. mbl.is/​Eyþór

Voru hálfleikstöl­ur því 13:9 Íslandi í vil.

Ísland byrjaði seinni hálfleik­inn frek­ar vel og var mun­ur­inn fimm mörk eft­ir tíu mín­út­ur af hon­um, 19:14. Sem fyrr gekk þó illa að hrista Egypta af sér og munaði þrem­ur mörk­um þegar seinni hálfleik­ur var hálfnaður, 20:17.

Jan­us Daði Smára­son sæk­ir að vörn Egypta. mbl.is/​Eyþór

Íslenska liðið svaraði því með virki­lega góðum kafla og náði sex marka for­skoti í fyrsta skipti þegar tólf mín­út­ur voru eft­ir, 24:18. Sem fyrr svöruðu Egypt­ar og munaði fjór­um mörk­um þegar níu mín­út­ur voru til leiks­loka, 24:20.  

Aron Pálm­ars­son kom Íslandi í 27:22 þegar rúm­ar tvær mín­út­ur voru til leiks­loka og voru Egypt­ar ekki lík­leg­ir til að jafna eft­ir það.

Viggó Kristjáns­son var marka­hæst­ur ís­lenska liðinu með níu mörk og Aron Pálm­ars­son skoraði átta. Orri Freyr Þorkels­son var næst­ur með þrjú. Vikt­or Gísli Hall­gríms­son varði 15 skot í ís­lenska mark­inu, þar af eitt víti. 

Aron Pálm­ars­son brýst í gegn­um vörn Egypta og skor­ar. mbl.is/​Eyþór

Næstu leik­ur Íslands er gegn heima­mönn­um í Króa­tíu á föstu­dags­kvöld klukk­an 19.30. Dag­ur Sig­urðsson stýr­ir króa­tíska liðinu.

Lýs­ing upp­fær­ist sjálf­krafa

All­ar lýs­ing­ar í beinni

Ísland	27:24	Egypta­land	Opna lýs­ingu Loka
60. mín. Ah­med Hes­ham (Egypta­land) skoraði mark
Viggó Kristjánsson - 9 / 4 Aron Pálmarsson - 8 Orri Freyr Þorkelsson - 3 Gísli Þorgeir Kristjánsson - 2 Janus Daði Smárason - 2 Ýmir Örn Gíslason - 1 Sigvaldi Björn Guðjónsson - 1 Elliði Snær Viðarsson - 1 Mörk 8 / 3 - Ali Zein 5 - Ahmed Adel 3 - Seif Elderaa 3 - Yahia Omar 2 - Ahmed Khairi 2 - Ahmed Nafea 1 - Ahmed Hesham Viktor Gísli Hallgrímsson - 15 / 1 Varin skot 14 / 1 - Karim Hendawy 8 Mín Brottvísanir 4 Mín mín. 60 Leik lokið Leik lokið með frábærum þriggja marka sigri íslenska liðsins, 27:24. Frábær varnarleikur, frábær sóknarleikur og Viktor Gísli stórkostlegur í markinu! Ísland fer með sigrinum á topp riðilsins og er nú með 6 stigm tveimur stigum meira en Egyptaland, Króatía og Slóvenía. 60 Viktor Gísli Hallgrímsson (Ísland) varði skot Viktor Gísli ver aukakastið! 60 Viktor Gísli Hallgrímsson (Ísland) varði skot Viktor Gísli ver lokaskotið! Bara aukakastið eftir. 60 Egyptaland tekur leikhlé Þriðja og síðasta leikhléið. 60 Ísland tapar boltanum Leiktöf. 60 Ísland tekur leikhlé Snorri Steinn tekur sitt þriðja og síðasta leikhlé. Tæplega 30 sekúndur eftir. Íslenska liðið ætlar að klára þennan leik á marki og klára þetta með fjórum mörkum. 60 27 : 24 - Ahmed Hesham (Egyptaland) skoraði mark 59 Gísli Þorgeir Kristjánsson (Ísland) skýtur yfir 59 27 : 23 - Ali Zein (Egyptaland) skorar úr víti Ein og hálf mínúta eftir. 59 Ahmed Khairi (Egyptaland) fiskar víti 58 27 : 22 - Aron Pálmarsson (Ísland) skoraði mark 28 Viktor Gísli Hallgrímsson (Ísland) varði skot VIKTOR GÍSLI ver! Tvær og hálf mínúta eftir. Mark núna og Ísland fer langt með þetta. 58 Ísland tapar boltanum Skref. 57 Ahmed Adel (Egyptaland) skýtur yfir 56 Karim Hendawy (Egyptaland) varði skot 55 26 : 22 - Ali Zein (Egyptaland) skoraði mark 55 26 : 21 - Aron Pálmarsson (Ísland) skoraði mark 54 Ísland tekur leikhlé Snorri Steinn tekur sitt annað leikhlé. Rúmlega sex mínútur eftir af leiknum. Egyptarnir öflugir sjö á sex. 54 25 : 21 - Ahmed Khairi (Egyptaland) skoraði mark Khairi labbar í gegn og skorar. 54 Ísland tapar boltanum Boltinn dæmdur af Íslandi. 53 Yahia Omar (Egyptaland) á skot í stöng Boltinn í stöngina og Aron Pálmarsson nær boltanum. 52 25 : 20 - Gísli Þorgeir Kristjánsson (Ísland) skoraði mark Gísli labbar í gegn og skorar! 51 24 : 20 - Ali Zein (Egyptaland) skorar úr víti Fjögurra marka munur. 51 Ahmed Khairi (Egyptaland) fiskar víti Sigvaldi stóð inn í teig. 50 Ísland tapar boltanum Viggó kastar boltanum út af. 50 24 : 19 - Yahia Omar (Egyptaland) skoraði mark Omar kemst í gegn og skorar. 49 Textalýsing Egyptarnir komnir í sjö á sex. 49 24 : 18 - Aron Pálmarsson (Ísland) skoraði mark Aron fyrstur fram og skorar úr hraðaupphlaupi! Sex marka munur! 48 Egyptaland tapar boltanum Janus stelur boltanum! 48 23 : 18 - Gísli Þorgeir Kristjánsson (Ísland) skoraði mark Frábært gegnumbrot! 48 22 : 18 - Ahmed Adel (Egyptaland) skoraði mark Mark af línunni. 47 Egyptaland tekur leikhlé Egyptar taka sitt annað leikhlé. Þeir eiga engin svör við frábærum varnarleik íslenska liðsins. 47 22 : 17 - Sigvaldi Björn Guðjónsson (Ísland) skoraði mark Frábært mark beint úr hraðaupphlaupi! 47 Egyptaland tapar boltanum Janus Daði stelur boltanum! 46 Ísland tapar boltanum Misheppnuð línusending. 46 Viktor Gísli Hallgrímsson (Ísland) varði skot Viktor ver! Hans fyrsta varða skot í seinni hálfleik. 45 21 : 17 - Viggó Kristjánsson (Ísland) skoraði mark VIGGÓ! Skot fyrir utan! Sá er að stíga upp! 44 20 : 17 - Ali Zein (Egyptaland) skoraði mark Boltinn fer undir Viktor Gísla. 44 Karim Hendawy (Egyptaland) ver víti Það hlaut að koma að því. Hendawy ver vítakastið frá Viggó. 43 Elliði Snær Viðarsson (Ísland) fiskar víti 43 20 : 16 - Seif Elderaa (Egyptaland) skoraði mark 42 20 : 15 - Viggó Kristjánsson (Ísland) skoraði mark Viggó! Snýr sér hálfpartinn í hring og skorar! 42 19 : 15 - Ahmed Nafea (Egyptaland) skoraði mark 41 19 : 14 - Viggó Kristjánsson (Ísland) skoraði mark Brunar upp í hraðaupphlaup og skorar! 41 Egyptaland tapar boltanum Viggó stelur boltanum! 41 Egyptaland tapar boltanum Kasta boltanum frá sér. 40 Elvar Örn Jónsson (Ísland) fékk 2 mínútur Tvær mínútur fyrir að ýta á eftir Elderaa í loftinu. 40 18 : 14 - Seif Elderaa (Egyptaland) skoraði mark Minnkar muninn í fjögur mörk. 39 18 : 13 - Viggó Kristjánsson (Ísland) skoraði mark Fimm marka munur á nýjan leik! Viggó gegn eftir frábæran undirbúning Gísla Þorgeirs. 39 Karim Hendawy (Egyptaland) varði skot Ísland heldur boltanum. 39 17 : 13 - Ahmed Nafea (Egyptaland) skoraði mark 38 17 : 12 - Elliði Snær Viðarsson (Ísland) skoraði mark Frábært mark af línunni eftir sendingu Arons. 37 Egyptaland tapar boltanum Misheppnuð línusending. 37 Karim Hendawy (Egyptaland) varði skot 37 Egyptaland tapar boltanum Skref. 36 16 : 12 - Aron Pálmarsson (Ísland) skoraði mark ...þvílík seigla hjá landsliðsfyrirliðanum. 36 Karim Hendawy (Egyptaland) varði skot Ver frá Aroni sem hirðir eigið frákast... 35 15 : 12 - Seif Elderaa (Egyptaland) skoraði mark Slakur varnarleikur og Elderaa labbar í gegn. 35 Elvar Örn Jónsson (Ísland) á skot í stöng 34 15 : 11 - Ahmed Adel (Egyptaland) skoraði mark 33 15 : 10 - Ýmir Örn Gíslason (Ísland) skoraði mark Frábært samspil Gísla Þorgeirs og Ýmis. 33 Viktor Gísli Hallgrímsson (Ísland) ver víti Viktor Gísli ver vítakastið! Þvílíkur maður! 32 Aron Pálmarsson (Ísland) fékk 2 mínútur Hangir í treyjunni hans Omars. 32 Yahia Omar (Egyptaland) fiskar víti 31 14 : 10 - Viggó Kristjánsson (Ísland) skorar úr víti 31 Ýmir Örn Gíslason (Ísland) fiskar víti Ýmir í gegn og fiskar víti. 31 13 : 10 - Ahmed Adel (Egyptaland) skoraði mark 31 Viktor Gísli Hallgrímsson (Ísland) varði skot 31 Leikur hafinn Síðari hálfleikurinn er kominn af stað og það er egypska liðið sem byrjar með boltann. 30 Hálfleikur Frábærum fyrri hálfleik lokið í Zagreb og íslenska liðið leiðir með fjögurra marka mun! Varnarleikurinn enn og aftur frábær og Viktor Gísli stórkostlegur í markinu! Forysta íslenska liðsins mjög sanngjörn. Nú er að sigla þessu heim, alveg eins og gegn Slóveníu, í síðari hálfleiknum. 30 13 : 9 - Viggó Kristjánsson (Ísland) skorar úr víti Viggó kemur Íslandi fjórum mörkum yfir með frábæru víti! 30 Ýmir Örn Gíslason (Ísland) fiskar víti Rifinn niður á línunni! 30 Viktor Gísli Hallgrímsson (Ísland) varði skot Viktor Gísli ver og Ísland fær síðustu sókn fyrri hálfleiks. 29 12 : 9 - Aron Pálmarsson (Ísland) skoraði mark Hamar frá Aroni fyrir utan og Ísland leiðir með þremur! 29 Egyptaland tapar boltanum Lína á Egypta. 28 Karim Hendawy (Egyptaland) varði skot 28 Egyptaland tapar boltanum Ruðningur. 27 Viktor Gísli Hallgrímsson (Ísland) varði skot Frábær varsla en Egyptar halda boltanum. 27 Textalýsing Íslenska liðið svo nálægt því að stela boltanum en boltinn í fótinn á Sigvalda. 27 Elliði Snær Viðarsson (Ísland) fékk 2 mínútur Lendir fyrir aftan Adel og togar hann niður. 26 11 : 9 - Orri Freyr Þorkelsson (Ísland) skoraði mark Aftur skorar Orri úr vinstra horninu! 26 10 : 9 - Ahmed Khairi (Egyptaland) skoraði mark 25 10 : 8 - Orri Freyr Þorkelsson (Ísland) skoraði mark Beint úr vinstra horninu! Gríðarlega mikilvægt mark! Fimm og hálf mínúta síðan Íslands skoraði síðast. 25 Karim Hendawy (Egyptaland) varði skot Ver frá Hauki. Ísland heldur boltanum. 24 Abdelrahman Abdou (Egyptaland) fékk 2 mínútur Fer með höndina í andlitið á Elliða. 24 Ísland tekur leikhlé Snorri Steinn tekur sitt fyrsta leikhlé. Sóknarleikurinn aðeins stirður þessa stundina og íslenska liðið er ekki að nýta færin sín. 24 Egyptaland tapar boltanum Ólögleg blokkering. 24 Karim Hendawy (Egyptaland) varði skot 22 Viktor Gísli Hallgrímsson (Ísland) varði skot Frábær varsla! 22 Karim Hendawy (Egyptaland) varði skot Ver frá Sigvaldi úr dauðafæri í horninu. 21 9 : 8 - Ahmed Adel (Egyptaland) skoraði mark 20 Karim Hendawy (Egyptaland) varði skot Ver frá Viggó úr dauðafæri! 20 Yahia Omar (Egyptaland) fékk 2 mínútur Keyrir Aron Pálmarsson niður. 19 9 : 7 - Ali Zein (Egyptaland) skoraði mark 19 9 : 6 - Aron Pálmarsson (Ísland) skoraði mark Aron skorar og skorar! Aftur eftir hraða miðju! 19 8 : 6 - Ahmed Adel (Egyptaland) skoraði mark 18 8 : 5 - Aron Pálmarsson (Ísland) skoraði mark Eftir hraða miðju. 18 7 : 5 - Ali Zein (Egyptaland) skoraði mark 18 Egyptaland tekur leikhlé Egyptaland tekur sitt fyrsta leikhlé. Erum þremur mörkum undir í fyrsta sinn í leiknum og sóknarleikurinn stirður. 18 7 : 4 - Viggó Kristjánsson (Ísland) skorar úr víti Viggó skorar af öryggi! 17 Gísli Þorgeir Kristjánsson (Ísland) fiskar víti Gísli enn og aftur að brjóta sér leið í gegnum vörn Egypta. 17 Egyptaland tapar boltanum Skref. 16 6 : 4 - Aron Pálmarsson (Ísland) skoraði mark Aron inn úr horninu! Sjaldséð en frábært mark. 15 5 : 4 - Ali Zein (Egyptaland) skorar úr víti 15 Yahia Omar (Egyptaland) fiskar víti 14 Karim Hendawy (Egyptaland) varði skot 14 Viktor Gísli Hallgrímsson (Ísland) varði skot VIKTOR GÍSLI ver úr dauðafæri Egypta! 14 Ísland tapar boltanum Skref. 13 Egyptaland tapar boltanum Kasta boltanum frá sér. 13 5 : 3 - Orri Freyr Þorkelsson (Ísland) skoraði mark Orri svarar strax eftir hraða miðju. 12 4 : 3 - Yahia Omar (Egyptaland) skoraði mark Viktor Gísli var í réttu horni. 12 4 : 2 - Viggó Kristjánsson (Ísland) skorar úr víti Skorar af öryggi. 11 Gísli Þorgeir Kristjánsson (Ísland) fiskar víti Frábært gegnumbrot. 10 Viktor Gísli Hallgrímsson (Ísland) varði skot Viktor Gísli er í ham! Gott skot fyrir utan en Viktor Gísli ver enn og aftur. 10 3 : 2 - Viggó Kristjánsson (Ísland) skoraði mark Frábært gegnumbort og frábært skot! 9 2 : 2 - Yahia Omar (Egyptaland) skoraði mark 9 Elvar Örn Jónsson (Ísland) skýtur yfir Neyðarskot yfir markið. 8 2 : 1 - Ali Zein (Egyptaland) skoraði mark 7 2 : 0 - Janus Daði Smárason (Ísland) skoraði mark Frábært gólfskot fyrir utan, eftir að hafa fíflað varnarmenn Egyptalands. 7 Viktor Gísli Hallgrímsson (Ísland) varði skot Áfram ver Viktor. nú af línunni! 7 Viktor Gísli Hallgrímsson (Ísland) varði skot Viktor Gísli ver en aukakast dæmt. 7 Karim Hendawy (Egyptaland) varði skot Ver skot Viggós fyrir utan. 6 Karim Hendawy (Egyptaland) varði skot Ísland heldur boltanun. 6 Egyptaland tapar boltanum Stolinn bolti. 5 Ísland tapar boltanum Kasta boltanum frá sér. 4 Viktor Gísli Hallgrímsson (Ísland) varði skot Viktor Gísli ver skot fyrir utan. 4 Ísland tapar boltanum Skref. 3 Ahmed Adel (Egyptaland) á skot í stöng Íslenska liðið nær boltanum. 3 Karim Hendawy (Egyptaland) varði skot Ver frá Elvrari. 3 Viktor Gísli Hallgrímsson (Ísland) varði skot VIKTOR GÍSLI ER MÆTTUR! Ver frá Omar úr dauðafæri! 2 Janus Daði Smárason (Ísland) fékk 2 mínútur Teikar Ahmed Adel. 1 1 : 0 - Janus Daði Smárason (Ísland) skoraði mark Frábært undirhandarskot. 1 Leikur hafinn Þetta er komið af stað og það er íslenska liðið sem byrjar með boltann. 0 Textalýsing Þjóðsöngvarnir búnir og þetta er að bresta á. 0 Textalýsing Egypska liðið er með leikmenn í stórliðum eins og Veszprém, París SG, Kielce og Montpellier. Liðið verður þó án sterkra leikmanna á borð við Ahmed Hesham, Yehia Elderaa og Hassan Kaddah en þeir eru allir að glíma við meiðsli. Eru þeir þrír af betri leikmönnum Egypta en þrátt fyrir fjarveru þeirra vann Egyptaland áðurnefndan sigur á Króatíu. 0 Textalýsing Þrátt fyrir það hefur íslenska liðið verið með fín tök á því egypska. Ísland vann vináttuleik þeirra árið 2017, 30:27, og síðasta leik á stórmóti á HM 2015, 28:25. Þau skildu jöfn á Ólympíuleikunum árið 2008, 32:32. Egyptaland hefur ekki unnið Ísland á stórmóti frá árinu 2001, 24:22. Þá enduðu Egyptar í fjórða sæti, sem er þeirra besti árangur, í Frakklandi. 0 Textalýsing Egypska liðinu hefur gengið betur en því íslenska á fjórum síðustu heimsmeistaramótum. Egyptar enduðu í 7. sæti á síðasta heimsmeistaramóti og Ísland í 12. sæti. Árið 2021 urðu Egyptar einnig í 7. sæti og Ísland í 20. sæti. Árið 2019 urðu Egyptar áttundu. og Íslendingar elleftu. Tveimur árum fyrr varð Ísland í 14. sæti og Egyptaland í 13. sæti. Ísland endaði síðast fyrir ofan Egyptaland á HM 2015 en þá varð íslenska liðið í 11. sæti og það egypska í 14. sæti. 0 Textalýsing Orri Freyr Þorkelsson er markahæsti leikmaður Íslands á mótinu til þessa með 16 mörk úr 18 skotum. Ali Zein er markahæsti leikmaður Egyptalands á mótinu með 12 mörk úr 18 skotum. 0 Textalýsing Ísland hafði betur gegn Slóveníu, 23:18, Grænhöfðaeyjum, 34:21, og Kúbu, 40:19, í fyrstu þremur leikjum sínum á mótinu en Egyptaland lagði Króatíu, 28:24, Barein, 35:24, og Argentínu, 39:25, í riðlakeppninni. 0 Textalýsing Bæði lið koma inn í milliriðlakeppnina með fullt hús stiga eða fjögur stig. Leikurinn í kvöld er því sannkallaður toppslagur þar sem efsta sæti riðilsins er undir. 0 Textalýsing Komiði sæl og blessuð og verið velkomin með mbl.is í beina textalýsingu frá leik Íslands og Egyptalands í 1. umferð milliriðils fjögur á HM í Króatíu. Sjá meira Sjá allt Dómarar: Robert Schulze og Tobias Toennies, Þýskalandi Gangur leiksins: 1:0, 3:2, 5:4, 9:7, 10:8, 13:9, 15:12, 18:14, 21:17, 24:19, 26:22, 27:24. Lýsandi: Bjarni Helgason Völlur: Arena Zagreb Ísland: Björgvin Páll Gústavsson (M), Viktor Gísli Hallgrímsson (M). Óðinn Þór Ríkharðsson, Janus Daði Smárason, Aron Pálmarsson, Viggó Kristjánsson , Bjarki Már Elísson, Elvar Örn Jónsson, Gísli Þorgeir Kristjánsson , Ýmir Örn Gíslason , Þorsteinn Leó Gunnarsson, Elliði Snær Viðarsson, Orri Freyr Þorkelsson, Sigvaldi Björn Guðjónsson, Teitur Örn Einarsson, Haukur Þrastarson. Egyptaland: Karim Hendawy (M), Mohamed Aly (M). Yahia Omar, Seif Hany, Abdelrahman Abdou, Ahmed Hesham, Ahmed Khairi, Belal Masoud, Ibrahim Elmasry, Seif Elderaa, Akram Yousri, Mohsen Ramadan, Yasser Abdelwahed, Ahmed Nafea, Ahmed Adel, Ali Zein.

• Blogga um frétt