Skilur gagnrýni Ólafs Stefánssonar

Ólaf­ur Stef­áns­son, einn besti hand­boltamaður Íslands­sög­unn­ar, gagn­rýndi landsliðsmann­inn Viggó Kristjáns­son fyr­ir að skipta úr Leipzig og yfir í Erlangen um ára­mót­in í hlaðvarp­inu Hand­kastið.

Leipzig er um miðja deild í þýsku 1. deild­inni á meðan Erlangen er í mik­illi fall­bar­áttu. Ólaf­ur þekk­ir vel til hjá Erlangen þar sem hann var aðstoðarþjálf­ari.

„Ég las þetta og mér fannst þetta hrós frek­ar en hitt. Hann sagðist vilja sjá mig í toppliði frek­ar og ég er sam­mála því. Það er mark­miðið og ástæða þess að ég fór í þessi skipti.

Ég skil vel að hann gagn­rýndi þessi skipti en að mínu mati var þetta besta leiðin til að spila á sem hæsta stigi í framtíðinni. Stund­um þarf að taka eitt skref aft­ur á bak til að taka tvö áfram,“ sagði Viggó við mbl.is.

• Blogga um frétt