Nostradamus í íslensku sérsveitinni
Setja bókamerki
Þorsteinn Þórólfsson, meðlimur í íslensku Sérsveitinni, stuðningsmannasveit íslensku landsliðanna í handbolta, prýddi forsíðu Morgunblaðsins í gær, miðvikudaginn 22. janúar.
Hann var meðal annars beðinn um það að spá fyrir um úrslitin í leik Íslands og Egyptalands sem fór fram í gærkvöldi í 1. umferð milliriðils fjögur á heimsmeistaramótinu í Zagreb.
Frábært mót til þessa
„Þetta er búið að vera algjörlega frábært mót til þessa,“ sagði Þorsteinn í samtali við mbl.is á þriðjudaginn.
„Þessi leikur verður mjög spennandi og mikilvægur. Ég býst við jöfnum leik en við tökum þetta með þremur mörkum, 27:24,“ bætti Sérsveitarmeðlimurinn svo við í samtali við mbl.is.
Skemmst er frá því að segja að Ísland vann frækinn sigur, 27:24, og tyllti sér um leið á toppinn í milliriðli fjögur með sex stig þegar tveimur umferðum er ólokið í milliriðlakeppninni.
„Breytir ekki okkar viðbúnaði“
Fordæmalaust fárviðri sem gæti orðið sögulegt
Tveggja ára fangelsi fyrir manndráp á Lúx
Egyptar sigraðir og Ísland í toppmálum
Þórdís ætlar ekki að bjóða sig fram
Hvað er Trump búinn að gera?
Harry fær tvo milljarða í bætur