Ein breyting fyrir stórleikinn gegn Króatíu

Snorri Steinn Guðjónsson, þjálfari íslenska karlalandsliðsins í handbolta, gerir eina breytingu á leikmannahópi sínum fyrir stórleikinn gegn Króatíu í 2. umferð milliriðils fjögur á HM í Zagreb í Króatíu í kvöld.

Einar Þorsteinn Ólafsson kemur inn í leikmannahóp íslenska liðsins í staðinn fyrir Bjarka Má Elísson sem þurfti að draga sig óvænt úr hópnum í dag vegna meiðsla.

Frétt af mbl.is

Bjarki í sárum: Síðasti sólarhringur mjög erfiður

Bjarki Már tekur ekki frekari þátt í mótinu í ár og var Stiven Tobar Valencia kallaður inn í hans stað en hann verður utan hóps í kvöld, ásamt Sveini Jóhannessyni sem er einnig tæpur vegna meiðsla.

Ísland er í efsta sæti riðilsins með 6 stig en Króatía er í öðru sæti riðilsins með fjögur stig. Leikurinn hefst klukkan 19:30 í Zagreb og verður í beinni textalýsingu á mbl.is.

• Blogga um frétt