Fjölnir ekki í vandræðum með SR

Fjöln­ir vann ör­ugg­an 5:1-sig­ur á SR þegar liðin mætt­ust í úr­vals­deild kvenna í ís­hokkíi, Hertz-deild­inni, í Skauta­höll Reykja­vík­ur í kvöld.

Eva Hlyns­dótt­ir kom Fjölni yfir eft­ir tæp­lega fjög­urra mín­útna leik og Sigrún Árna­dótt­ir tvö­faldaði svo for­yst­una þegar tæp­lega stund­ar­fjórðung­ur var liðinn af leikn­um.

Staðan eft­ir fyrstu lotu var því 2:0, Fjölni í vil.

Í ann­arri lotu skoraði Teresa Snorra­dótt­ir þriðja mark Fjöln­is og Elísa Sig­finns­dótt­ir bætti við fjórða mark­inu skömmu síðar.

Skömmu fyr­ir lok annarr­ar lotu minnkaði Arna Friðjóns­dótt­ir mun­inn fyr­ir SR og staðan því orðin 4:1.

Í þriðju og síðustu lotu skoraði Sigrún annað mark sitt og fimmta mark Fjöln­is og þar við sat.

Með sigr­in­um fór Fjöln­ir upp í topp­sæti deild­ar­inn­ar þar sem liðið er nú með níu stig eft­ir fjóra leiki.

SR er á botn­in­um án stiga en SA er í öðru sæti með sex stig eft­ir tvo leiki, á tvo leiki til góða á Fjölni og get­ur því end­ur­heimt topp­sætið með hag­stæðum úr­slit­um í þeim.

• Blogga um frétt