Sjö leikmenn úr Bestu deildum karla og kvenna verða ekki með í næstu umferðum deildanna.
Voru leikmennirnir úrskurðaðir í eins leiks bann af aga- og úrskurðarnefnd KSÍ í dag.
Kristinn Freyr Sigurðsson missir af lykilleik Valsara gegn Víkingum næsta sunnudag vegna fjögurra gulra spjalda. Þá verða Gunnar Vatnhamar og Jón Guðni Fjóluson ekki með Víkingum, en þeir voru úrskurðaðir í bann í síðustu viku.
HK-ingarnir Arnþór Ari Atlason og Kristján Snær Frostason missa af heimaleik liðsins gegn Fram. Arnþór Ari fær bannið vegna sjö gulra spjalda en Kristján Snær vegna fjögurra.
KR-ingurnn Alex Þór Hauksson missir af heimaleik gegn ÍA vegna fjögurra gulra spjalda en Gustav Kjelden, leikmaður Vestra, fékk rautt spjald gegn Val í síðustu umferð og missir af heimaleik gegn Fylki.
Helga Guðrún Kristinsdóttir úr Fylki missir af útleik gegn Stjörnunni í fyrstu umferð Bestu deildarinnar eftir skiptinguna. Hún fær bannið vegna fjögurra gulra spjalda.
Erna Guðrún Magnúsdóttir úr Víkingi missir þá af útileik gegn Breiðabliki vegna fjögurra gulra spjalda.