Engin afsökun fyrir að tapa svona

Will­um Þór Will­umsson var að von­um svekkt­ur með tap Íslands fyr­ir Kó­sovó, 3:1, í seinni leik liðanna í um­spili Þjóðadeild­ar Evr­ópu í knatt­spyrnu í Murciu á Spáni í kvöld.

Ísland tapaði sam­an­lagt 5:2 fyr­ir Kó­sovó og mun leika í C-deild­inni næst. Will­um lék ekk­ert í fyrri leikn­um en byrjaði þenn­an.

Er ekki óhætt að tala um erfitt kvöld hérna í Murcia?

„Jú, það má segja það. Við byrjuðum vel en síðan hrundi þetta. 

Mér fannst við koma sterk­ir inn fyrsta kort­erið. Við skor­um mark eft­ir horn­spyrnu og erum að fá hröð upp­hlaup á þá. 

Við vor­um aðeins of opn­ir baka til og gerðum grunn­hlut­ina ekki vel, vinna seinni bolta og fara í tæk­ling­ar og nenna að verj­ast,“ sagði Will­um í sam­tali við mbl.is. 

Frétt af mbl.is

Slök frammistaða og Ísland fallið

Alltaf heiður 

Má segja að þetta hafi verið verðskuldað hjá þeim? 

„Já, það má segja það. Við svo sem feng­um færi, meðal ann­ars ég, sem við hefðum getað gert bet­ur úr.“

Eins og áður kom fram spilaði Will­um ekk­ert í fyrri leikn­um en hann byrjaði leik­inn í dag.

„Auðvitað er alltaf heiður að spila fyr­ir landsliðið. Nýr þjálf­ari að koma inn sem er að prófa sig áfram með leik­menn og liðið.“

„Ég er sátt­ur að hafa fengið að spila í dag.“ 

„Það koma nýj­ar áhersl­ur með nýj­um þjálf­ara og eitt­hvað sem við þurf­um að læra. Í dag voru það þó ein­fald­ir hlut­ir sem við verðum að gera bet­ur. Þó það sé komið nýtt skipu­lag, er það eng­in af­sök­un fyr­ir að tapa svona,“ bætti Will­um við. 

• Blogga um frétt