Stykkishólmspóstsins. ">
Snæfell úr Stykkishólmi hefur samið við bandaríska körfuknattleiksþjálfarann Geof Kotila til tveggja ára, en hann tekur við af Bárði Eyþórssyni sem hefur samið við ÍR í Reykjavík. Kotila, sem er 47 ára gamall, hefur þjálfað í rúman áratug í Danmörku og gert m.a. Bakken Bears og Horsens að meisturum. Hann þjálfaði háskólaliðið Michigan Tech University í heimalandi sínu aðeins 24 ára gamall og var hann sá yngsti sem hafði tekist á við slíkt verkefni í NCAA-deildinni í Bandaríkjunum. Gert er ráð fyrir að Kotila hefji störf þann 1. júlí. Frá þessu er greint á fréttavef Stykkishólmspóstsins.