Bati Odom í líkingu kraftaverks
Setja bókamerki
Lamar Odom sem legið hefur milli heims og helju í vikutíma á sjúkrahúsi í Las Vegas er kominn kominn aftur heim til Los Angeles.
Odom fannst meðvitundarlaus á vændishúsi í Nevada á þriðjudaginn. Í blóði hans fannst kokteill eiturlyfja og var honum vart hugað líf. Odom, sem er 35 ára gamall fyrrum körfuboltakappi, vaknaði úr dái á föstudag. Nú er hann vakandi og er ástand hans stöðugt.
Odom fær enn stífa meðhöndlun í Los Angeles en læknar hafa lýst bata hans hingað til sem kraftaverki og er hann jafnvel farinn að geta gengið nokkur skref. Khloe Kardashian, fyrrum eiginkona hans er við hlið hans ásamt föður hans og börnum. Kardashian hefur ekki vikið frá Odom, en parið er enn gift þrátt fyrir að hafa undirritað skilnaðarpappíra. Skýringin ku vera álag hjá hinu opinbera.
Odom hefur unnið tvo hringa á ferlinum en hann varð meistari með Los Angeles Lakers árin 2009 og 2010. Hann hefur þá einnig leikið með Dallas Mavericks, Los Angeles Clippers, Miami Heat og nú síðast spænska liðinu Laboral Kutxa.
„Þetta er ljót mynd“
Ekki gerlegt að sakfella eftir lýsingu í ákæru
Vilja greina niðurstöður PISA-könnunarinnar
Mjótt á munum degi fyrir kosningar
Héldu að kvikuhlaup gæti verið að hefjast
Maðurinn sem lést var íslenskur