Tvö Suðurlandslið í 1. deildina

Tvö lið af Suður­landi hafa tryggt sér keppn­is­rétt í 1. deild karla í körfuknatt­leik fyr­ir næsta keppn­is­tíma­bil en þau unnu undanúr­slita­leiki 2. deild­ar­inn­ar núna í vik­unni.

Gnúp­verj­ar sigruðu Leikni úr Reykja­vík ör­ugg­lega, 95:75, í undanúr­slita­leik í íþrótta­húsi Kenn­ara­há­skól­ans í fyrra­kvöld. Upp­gang­ur Gnúp­verja hef­ur verið hraður því þeir unnu 3. deild­ina á síðasta tíma­bili og eru því komn­ir upp um deild annað árið í röð.

Hruna­menn/​Laug­dæl­ir, sem unnu sautján af átján leikj­um sín­um í 2. deild­inni í vet­ur, unnu KV úr Reykja­vík einnig á sann­fær­andi hátt, 84:63, í hinum leikn­um sem fram fór á Flúðum í gær­kvöld.

Hruna­menn/​Laug­dæl­ir og Gnúp­verj­ar mun mæt­ast í úr­slita­leik um meist­ara­titil 2. deild­ar­inn­ar á Flúðum næsta fimmtu­dag, 6. apríl.

Þar með verða nokkr­ir ná­granna­slag­ir í 1. deild­inni á næsta tíma­bili en FSu frá Sel­fossi leik­ur í deild­inni, sem og Ham­ar í Hvera­gerði, en Ham­ars­menn eru reynd­ar að hefja ein­vígi við Vals­menn um úr­vals­deild­ar­sæti í kvöld.

Lið Gnúp­verja sem vann 3. deild­ina í fyrra. Nú hef­ur það tryggt sér 1. deild­ar­sæti. Ljós­mynd/​Gnúp­verj­ar - Face­book

• Blogga um frétt