Allur Sauðárkrókur var á bak við okkur

„Ég er gríðarlega ánægður, þetta snýst ekki um mig. Það koma marg­ir að þess­um titli og all­ur Sauðár­krók­ur var á bak við okk­ur,“ sagði Isra­el Mart­in, þjálf­ari Tinda­stóls, eft­ir að liðið tryggði sér sinn fyrsta bikar­meist­ara­titil í sög­unni í dag. Tinda­stóll valtaði þá yfir KR, 96:69, í Laug­ar­dals­höll. 

Mart­in til­einkaði stuðnings­mönn­um Tinda­stóls og íbú­um Sauðár­króks sig­ur­inn. 

„Ég er glaðast­ur af öll­um því ég á hlut í því að gera alla stuðnings­menn­ina okk­ar glaða. Það er stór­kost­legt að geta glatt fólkið. Það er mik­il ábyrgð að stýra þessu liði og marg­ir sem treysta á okk­ur. Stuðnings­menn­irn­ir voru ótrú­leg­ir. Þeir ýttu okk­ur áfram, sem er nokkuð sem við þurf­um í svona úr­slita­leikj­um.“

Tinda­stóll skoraði fyrstu 14 stig leiks­ins og leit aldrei til baka eft­ir það. 

„Við byrjuðum virki­lega vel og sýnd­um á fyrstu fimm mín­út­um leiks­ins að við vild­um vinna. Ég ber mikla virðingu fyr­ir leik­mönn­um og þjálf­ara KR. Þetta eru stór­ir leik­menn og frá­bær þjálf­ari. Þeir eru fjór­fald­ir Íslands­meist­ar­ar svo það er magnað að vinna,“ sagði Mart­in að lok­um.

• Blogga um frétt