Ragnar yfirgefur Njarðvík

Miðherjinn Ragnar Nathanaelsson verður ekki áfram í herbúðum Njarðvíkinga á næstu leiktíð en hann gekk í raðir þeirra fyrir tímabilið.

Frá þessu er greint á heimasíðu Njarðvíkinga en þar kemur fram;

„Samstarfi Njarðvíkur og miðherjans Ragnars Nathanaelssonar verður ekki áframhaldið á næstu leiktíð. Stjórn Körfuknattleiksdeildar Njarðvíkur vill þakka Ragnari fyrir samstarfið og hans framlag til klúbbsins.

Ákvörðun Njarðvíkur og Ragnars var sameiginleg og skilja leiðir í bróðerni. Undirbúningur fyrir næstu leiktíð er þegar hafinn í Ljónagryfjunni og greinum við frá frekari gangi mála um leið og unnt er.“

Ragn­ar, sem er 2,18 metrar á hæð hóf feril sinn með Hamri í Hveragerði en hann hef­ur einnig leikið með Þór Þor­láks­höfn og Sundsvall Dragons í Svíþjóð. Á síðustu leiktíð lék hann með spænsku liðunum Arcos Al­bacete Basket og Các­eres Ciu­dad del Baloncesto en gekk svo í raðir Njarðvíkinga síðastliðið sumar.

• Blogga um frétt