Margrét Sturlaugsdóttir hefur sagt starfi sínu lausu sem þjálfari kvennaliðs Breiðabliks í körfuknattleik vegna veikinda.
Frá þessu er greint í fréttatilkynningu frá Blikum og þar kemur fram að leit standi yfir að nýjum þjálfara fyrir liðið sem leikur í úrvalsdeildinni.
Tilkynningin er svohljóðandi:
„Margrét Sturlaugsdóttir hefur óskað eftir því við félagið að fá að stíga til hliðar sem þjálfari meistaraflokks kvenna.
Ákvörðun þessi er tekin af yfirvegun og í mesta bróðerni. Margrét hefur verið að glíma við erfið veikindi og ætlar nú að huga að heilsunni.
Breiðablik vill þakka Margréti fyrir vel unnin störf í þágu félagsins og óskar henni alls hins besta í framtíðinni.
Leit af nýjum þjálfara stendur nú yfir.“