Stjarnan bikarmeistari í fjórða sinn

Stjarn­an varð í dag bikar­meist­ari karla í körfuknatt­leik í fjórða skipti á ell­efu árum. Liðið vann Njarðvík í úr­slit­um Geys­is­bik­ars­ins í Laug­ar­dals­höll­inni í dag 84:68.  

Stjarn­an tók frum­kvæðið í leikn­um strax í fyrsta leik­hluta. Njarðvík var yfir 9:6 en aldrei eft­ir það. Að lokn­um fyrri hálfleik var staðan 41:32. 

Þótt Njarðvík tæk­ist ekki að jafna þá nartaði liðið í hæla Stjörn­unn­ar og var ekki langt und­an. Eft­ir þrjá leik­hluta munaði aðeins þrem­ur stig­um á liðunum. En Garðbæ­ing­ar náðu alltaf að skora á mik­il­væg­um augna­blik­um og slitu sig end­an­lega frá Njarðvík­ing­um á síðustu þrem­ur mín­út­un­um eða svo. Ekki svo ósvipað því hvernig undanúr­slita­leik­ur­inn þróaðist hjá Stjörn­unni og ÍR. 

Lið Stjörn­unn­ar er afar vel mannað og vel skipu­lagt. Ekki er að ástæðulausu að liðið hef­ur nú unnið fjór­tán leiki í röð í deild og bik­ar. Í leik­manna­hópi liðsins eru marg­ir sem geta lagt í púkkið. Brandon Rozzell átti frá­bær­an leik og var val­inn maður leiks­ins en hann skoraði 30 stig. Hlyn­ur Bær­ings­son er alltaf drjúg­ur og leiðtoga­hæfni hans nýt­ist í svona leikj­um. Ægir Þór Stein­ars­son hélt býsna vel aft­ur af Elvari Má Friðriks­syni sem er ekki auðvelt verk­efni. Antti Kanervo er virki­lega góður leikmaður og Coll­in Pryor skilaði stig­um í seinni hálfleik eins og hann gerði í undanúr­slit­un­um. Þá fékk Stjarn­an gott fram­lag frá Fil­ip Kra­mer í vörn­inni. 

Njarðvík­ing­ar eiga það til að sökkva liðum með lang­skot­um þegar þeir eru í því stuðinu. Því var ekki að heilsa í dag jafn­vel þótt liðið hafi ná að skora 10 þriggja stiga körf­ur. Logi Gunn­ars­son skoraði 11 stig, Jeb Ivey 12 stig, Elv­ar 8 stig og Maciej Bag­inski 1 stig. Ein­hverj­ir þess­ara leik­manna þurfa að eiga leik þar sem þeir eru at­kvæðameiri til að vinna bik­ar­inn. 

Áhorf­end­ur í höll­inni í dag voru 2.100 og var stemn­ing­in með besta móti hjá stuðnings­mönn­um beggja liða. Garðbæ­ing­ar fögnuðu geysi­lega með stuðnings­mönn­um sín­um um leið og lokaf­lautið gall. Þegar úr­slit­in lágu fyr­ir var gamli slag­ari Bjart­mars Guðlaugs­son­ar, Týnda kyn­slóðin, spiluð í höll­inni og leik­menn Stjörn­unn­ar stigu létt dans­spor á miðjum vell­in­um. Ekki hef ég fyrr heyrt um íþrótta­teng­ingu við þetta lag en við fáum vænt­an­lega út­skýr­ing­ar á því síðar í dag. 

Stjarn­an vann sann­fær­andi sig­ur gegn ÍR í undanúr­slit­um keppn­inn­ar á meðan Njarðvík hafði bet­ur gegn KR.

Stjarn­an - Njarðvík 84:68

Laug­ar­dals­höll, Bik­ar­keppni karla, 16. fe­brú­ar 2019.

Gang­ur leiks­ins:: 4:2, 9:9, 16:9, 23:18, 28:21, 34:26, 37:26, 41:32, 44:36, 51:43, 53:48, 60:57, 67:59, 70:65, 78:66, 84:68.

Stjarn­an: Brandon Rozzell 30, Hlyn­ur Elías Bær­ings­son 13/​14 frá­köst, Antti Kanervo 11, Coll­in Ant­hony Pryor 9/​5 frá­köst, Ægir Þór Stein­ars­son 8/​8 stoðsend­ing­ar, Fil­ip Kra­mer 7/​6 frá­köst, Tóm­as Þórður Hilm­ars­son 4/​4 frá­köst, Magnús B. Guðmunds­son 2.

Frá­köst: 31 í vörn, 6 í sókn.

Njarðvík: Mario Mata­sovic 19/​5 frá­köst, Jeb Ivey 12/​4 frá­köst/​5 stoðsend­ing­ar, Eric Kat­enda 11/​6 frá­köst, Elv­ar Már Friðriks­son 8/​8 frá­köst/​7 stoðsend­ing­ar, Logi Gunn­ars­son 7, Ólaf­ur Helgi Jóns­son 6/​4 frá­köst, Krist­inn Páls­son 3, Maciek Stan­islav Bag­inski 1, Snjólf­ur Mar­el Stef­áns­son 1.

Frá­köst: 28 í vörn, 4 í sókn.

Dóm­ar­ar: Krist­inn Óskars­son, Davíð Tóm­as Tóm­as­son, Rögn­vald­ur Hreiðars­son.

Áhorf­end­ur: 2100

Stjarn­an	84:68	Njarðvík	Opna lýs­ingu Loka
99. mín. skor­ar
mín. 40 Leik lokið Leiknum er lokið með sigri Stjörnunnar 84:68. 39 Staðan er 79:66 fyrir Stjörnuna. Leikhlé. Hér þarf að eiga sér stað ótrúleg atburðarrás til að Njarðvík geti unnið. 38 Staðan er 78:66 fyrir Stjörnuna. Garðbæingar slíta sig frá og Collin skilar fimm stigum í röð. Maður sem ekki er leitað mikið til varðandi stigaskor en hann getur skilað sínu. 36 Staðan er 73:65. Stjarnan heldur alltaf einhverju forskoti og hefur verið yfir frá því í upphafi leiks. Brandon Rozzell að setja niður þrist og hefur skorað 28 stig í leiknum. Hann er illviðráðanlegur. 34 Staðan er 67:62. Matesovic með þrist fyrir Njarðvík. Mikilvæg karfa. 31 Fjórði leikhluti hafinn 30 Þriðja leikhluta lokið Staðan er 60:57 fyrir Stjörnuna. Það stefnir heldur betur í fjörugan síðasta leikhluta. Njarðvíkingar eru búnir að koma sér inn í leikinn fyrir alvöru. Þeim tekst þó ekki ennþá að komast yfir og hafa ekki verið yfir í leiknum síðan í stöðunni 6:9. Villuvandræði liðanna hafa lítið breyst, hafa alla vega ekki versnað. Eric er enn með 3 villur hjá Njarðvík og Ólafur Helgi er einnig með 3. Tómas Þórður er með 3 villur hjá Stjörnunni. 25 Staðan er 46:43 fyrir Stjörnuna. Matesovic setur niður þrist fyrir Njarðvík. Stjarnan tekur leikhlé og Njarðvíkingar fagna eins og þeir hafi orðið bikarmeistarar. Gríðarleg stemningin hjá grænum í augnablikinu. 23 44:38 fyrir Stjörnuna. Hugur í Njarðvíkingum í upphafi síðari hálfleiks. 21 Síðari hálfleikur hafinn 20 Hálfleikur 41:32 fyrir Stjörnuna að loknum fyrri hálfleik. Leikurinn hefur ekki verið nein flugeldasýning enda gerist það nú frekar sjaldan í bikarúrslitaleikjum þar sem spennustigið er hátt. En Garðbæingar geta verið ánægðir. Þeir hafa frumkvæðið og tóku forystuna strax í fyrsta leikhluta. Brandon Rozzell stendur undir væntingum og rúmlega það en hann hefur skorað 15 stig. Mario Matasovic er stigahæstur hjá Njarðvík með 13 stig. Skotmenn þeirra, Elvar, Ivey, Logi, Maciej og Kristinn eru með þrettán stig samtals. 19 Staðan er 39:32 fyrir Stjörnuna. Fimm stig í röð frá Njarðvík. Spurning hvort þetta kveiki í þeim. Sjö stiga munur er svo sem ekki neitt en það verður erfitt fyrir Njarðvíkinga ef þeir þurf að elta forskot allan leikinn. 15 Staðan er 33:26 fyrir Stjörnuna. Sóknin gengur betur hjá Stjörnunni en hún hefur verið stirð hjá Njarðvík. Njarðvíkingar eiga nokkuð inni að manni finnst. 11 Annar leikhluti hafinn 10 Fyrsta leikhluta lokið Fyrsta leikhluta er lokið. Stjarnan er yfir 23:18 en Ægir lauk leikhlutanum á þriggja stiga körfu fyrir Stjörnuna. Brandon er hrikalega sterkur hjá Stjörnunni og er nú þegar kominn með 8 stig. 10 Staðan er 19:16. Jæja. Einar Árni er heldur betur að lenda í vandræðum með hávöxnu mennina. Eric var að fá sína þriðju villu og Ólafur Helgi fékk tvær á fyrstu fimm mínútunum. Þetta er alvarlegt mál fyrir Njarðvík og nú mun reyna enn frekar á Mario í þessum leik. 8 16:9. Sprettur hjá Garðbæingum. Hafa tekið frumkvæðið. 5 9:9. Þetta lofar góðu. Njarðvíkingar eru komnir af stað. Ivey er að gæta Rozzells í vörninni. Spurning hversu mikla orku þá mun taka frá Ivey sem er á 39. aldursári og þarf að skila sínu í sókninni hjá Njarðvík. En maðurinn er reyndar í ótrúlegu líkamlegu formi miðað við aldur. 2 4:0. Betri byrjun fyrir Stjörnuna. Fyrstu tvö skotin ofan í. 1 Leikur hafinn 0 0 0 Nokkrir lykilmenn í liðunum eru komnir yfir 35 ára aldurinn. Er þar átt við Hlyn hjá Stjörnunni og Loga og Ivey hjá Njarðvík. Áhugavert verður að sjá hversu ferskir þeir verða eða hvort leikirnir á fimmtudaginn sitji eitthvað í þeim. 0 Áhugavert verður að sjá hvernig Eric Katenda kemur út undir körfunni hjá Njarðvík. Er tiltölulega nýkominn til liðsins en hefur sýnt að hann bætir í það minnsta vörnina hjá liðinu. 0 Heiðursgestir heilsa nú upp á leikmenn. Bæjarstjórar í sveitarfélögunum sem um ræðir, forseti ÍSÍ, forsætisráðherra og fjármálaráðherra. Varla hægt að þverfóta fyrir pólitíkusum í heiðursstúkunni í dag en þó er langt í kosningar. 0 Páll Sævar Guðjónsson, a.k.a röddin kynnir nú leikmenn liðanna. 0 Geysilega vel mætt hjá stuðningsmönnum Njarðvíkur. Þau fylla sinn helming af stúkunni. Enn er pláss fyrir Garðæinga í hinum helmingi stúkunnar. 0 Velkomin með mbl.is í beina lýsingu frá leik Stjörnunnar og Njarðvíkur í bikarúrslitum karla í körfuknattleik. Sjá meira Sjá allt Dómarar: Kristinn Óskarsson, Davíð Tómas Tómasson og Rögnvaldur Hreiðarsson Lýsandi: Kristján Jónsson Völlur: Laugardalshöll Áhorfendafjöldi: 2.100

• Blogga um frétt