Ívar hættir með Haukana
Setja bókamerki
Ívar Ásgrímsson mun láta af störfum sem þjálfari karlaliðs Hauka í körfuknattleik eftir tímabilið en hann staðfesti þetta í samtali við mbl.is.
Ívar hefur stýrt Haukaliðinu frá árinu 2011 og hann var einnig þjálfari liðsins á árunum 1991-2001. Undir hans stjórn léku Haukarnir til úrslita um Íslandsmeistaratitilinn árið 2016 en töpuðu fyrir KR-ingum í úrslitaeinvíginu.
Ívar hætti sem þjálfari kvennalandsliðsins eftir undankeppni Evrópukeppninnar í nóvember en hann tók við þjálfun þess árið 2014.
Ívar er þó ekkert á þeim buxunum að hætta í þjálfun en hann sagði í samtali við mbl.is að hann ætli sér að halda áfram að þjálfa á næstu leiktíð.
Haukar eru í 9. sæti í Dominos-deildinni þegar tvær umferðir eru eftir og halda því enn í vonina um að komast í úrslitakeppnina. Þeir eru tveimur stigum á eftir ÍR-ingum og eiga eftir að mæta Þór Þorlákshöfn á útvelli og Stjörnunni á heimavelli.
Íslendingar vanir að klæða sig vel
„Átti von á fleiri útköllum“
„Mikilvægt að hvíla viðbragðið“
Neitaði sök um morð og hryðjuverk
Fundaði með starfsfólki í fjóra tíma í gær
„Á allt sitt undir því að njóta trausts almennings“
„Umferðin greinilega að þyngjast“