Sigurður búinn að semja í Frakklandi

Sig­urður Gunn­ar Þor­steins­son, landsliðsmaður í körfuknatt­leik, er far­inn aft­ur út í at­vinnu­mennsku og hef­ur samið við franska liðið BC Orchies um að leika með liðinu næsta vet­ur.

Fé­lagið spil­ar í frönsku C-deild­inni, fór í átta liða úr­slit um sæti í B-deild­inni í vor og ætl­ar sér upp á næsta tíma­bili. Þetta verður fjórða er­lenda fé­lagið sem Sig­urður leik­ur með eft­ir að hafa áður verið á mála hjá Solna í Svíþjóð og grísku liðunum Doxas og AEL.

Sig­urður lék með ÍR-ing­um hér heima síðastliðinn vet­ur og fór með liðinu alla leið í úr­slita­ein­vígið um Íslands­meist­ara­titil­inn. Hann skoraði 13,4 stig og tók 8,4 frá­köst að meðaltali í leik var val­inn í lið árs­ins. Eft­ir að tíma­bil­inu lauk horfði hann til þess að fara út, en var einnig í viðræðum við ÍR-inga.

„Ég átti meira að segja að skrifa und­ir hjá þeim á laug­ar­dag­inn en þurfti að bakka út úr því bara á föstu­deg­in­um,“ sagði Sig­urður við mbl.is í dag, en í samn­ingn­um hefði þó verið klásúla um að hann mætti fara ef til­boð bær­ist að utan.

Sig­urður varð Íslands­meist­ari með Grinda­vík árin 2013 og 2014 og bikar­meist­ari árið 2014, en auk ÍR hef­ur hann einnig leikið með KFÍ og Kefla­vík hér á landi. Hann flyst nú til Orchies, átta þúsund manna bæj­ar í norður Frakklandi.

„Ég er ekki bú­inn að skoða aðstæður, en hef verið í sam­bandi við banda­ríska leik­menn sem ég spilaði með áður og hafa verið í deild­inni. Þeir töluðu vel um þetta, en sögðu reynd­ar að það væri svo sem ekki neitt í bæn­um,“ sagði Sig­urður, sem tal­ar ekki frönsku held­ur og er ekk­ert rag­ur við að flytja í fransk­an smá­bæ.

„Nei, ég kem frá Ísaf­irði sko. Ég ólst upp í smá­bæ, svo það trufl­ar mig ekki neitt. Fjöl­skyld­an kem­ur líka með út, við erum með eins árs gutta svo það er nóg að gera hvort sem er,“ sagði Sig­urður Gunn­ar Þor­steins­son við mbl.is.

• Blogga um frétt