Þótt þetta hallærislegt í gegnum tíðina

Hlyn­ur Bær­ings­son er í ís­lenska landsliðshópn­um í körfu­bolta sem mæt­ir Portúgal og Sviss í for­keppni fyr­ir undan­keppni EM 2021 í næsta mánuði. Hlyn­ur gaf það út eft­ir leik gegn Portúgal í fe­brú­ar að hann væri hætt­ur með landsliðinu.

Vegna for­falla í landsliðinu var kallað á Hlyn á ný og hann svaraði kall­inu. Hlyn­ur var glaður í bragði þegar mbl.is spjallaði við hann á landsliðsæfingu í Selja­skóla í dag. 

„Ég neitaði fyrst. Ég hafði ekki áhuga á að vera einn af þeim leik­mönn­um sem hætt­ir við að hætta. Mér hef­ur þótt það frek­ar hallæris­legt í gegn­um tíðina þegar menn eru að því. Áður en ég vissi að var ég orðin týp­an sem ég var bú­inn að gera grín að all­an minn fer­il. Það er erfitt að kyngja því og ég er lít­ill í mér fyr­ir blaðamanna­fund sem ég þarf að fara á," sagði Hlyn­ur bros­andi. 

Hlyn­ur Bær­ings­son var hyllt­ur eft­ir 125. lands­leik­inn, sem átti að vera sá síðasti. Har­ald­ur Jónas­son/​Hari

„Þeir töluðu við mig nokkr­ir í röð; Hauk­ur, Bald­ur Ragn­ars, Finn­ur og svo Craig. Ég hélt fyrst þeir væru að djóka, en svo endaði ég á að segja já. Stór hluti af þessu var að það vant­ar Kristó­fer, Sigga og svo Hauk líka," sagði Hlyn­ur, en Kristó­fer Acox, Sig­urður Gunn­ar Þor­steins­son og Hauk­ur Helgi Páls­son eru ekki með í verk­efn­inu. 

Er því miður ár­inu eldri

Hlyn­ur seg­ist vera í fínu standi, þótt hann hafi ekki bú­ist við að mæta í leiki með landsliðinu á þess­um tíma­punkti. 

„Mér líður ágæt­lega fyr­ir þetta verk­efni. Ég er ekki al­veg kom­inn í mitt besta stand en það kem­ur með hverri æf­ingu. Þetta er svo­lítið sjokk, þar sem ég bjóst ekki við að vera með. Ég hefði und­ir­búið mig öðru­vísi ef ég hefði vitað að landsliðið væri í júlí. Það tók mig því tíma að kom­ast í gang, því ég er því miður orðinn ár­inu eldri. Ann­ars líður mér ágæt­lega, maður verður að þekkja sín tak­mörk og vera sátt­ur við sitt.

Ég hef ekk­ert skotið eða spilað í sum­ar. Ég hef mest verið að lyfta og er í ágætu standi þannig. Ég hef eig­in­lega ekk­ert verið í sal, nema þegar ég er að þjálfa litla krakka. Ég var ekki byrjaður að búa mig und­ir að spila, þar sem ég hélt ég myndi ekki byrja spila fyrr en í sept­em­ber eða októ­ber," sagði Hlyn­ur Bær­ings­son. 

Hlyn­ur Bær­ings­son mbl.is/​Har­ald­ur Jónas­son/​Hari

• Blogga um frétt