Valur bætti fjórða bikarnum í safnið

Íslands­meist­ar­ar Vals unnu þægi­leg­an sig­ur gegn Kefla­vík þegar liðin mætt­ust í Meist­ara­keppni KKÍ í Origo-höll­inni á Hlíðar­enda í kvöld. Leikn­um lauk með 105:81-sigri Vals­kvenna sem leiddu með ell­efu stig­um í hálfleik, 53:42.

Valskon­ur juku for­skot sitt hægt og ró­lega í þriðja leik­hluta en lið Kefla­vík­ur skoraði ein­ung­is sjö stig í þriðja leik­hluta gegn 27 stig­um Vals. Þrátt fyr­ir að Kefla­vík hafi unnið fjórða leik­hluta með sex stig­um kom það ekki að sök og Val­ur fagnaði ör­ugg­um sigri.

Guðbjörg Sverr­is­dótt­ir var stiga­hæst í liði Vals með 22 stig, tvö frá­köst og eina stoðsend­ingu og Hall­veig Jóns­dótt­ir kom þar á eft­ir með 16 stig. Hjá Kefla­vík var Daniela Morillo stiga­hæst með 36 stig, sjö frá­köst og þrjár stoðsend­ing­ar.

Þetta var fjórði tit­ill Vals­kvenna á ár­inu en liðið er ríkj­andi Íslands-, bik­ar- og deild­ar­meist­ari. Keppni í úr­vals­deild kvenna, Dom­in­os-deild­inni, hefst 2. októ­ber næst­kom­andi þegar Val­ur heim­sæk­ir Grinda­vík og Kefla­vík sæk­ir KR heim.

• Blogga um frétt