Martin Hermannsson, fremsti körfuboltamaður Íslands, heiðraði minningu Kobe Bryant á leið sinni í leik Alba Berlín og Crailsheim í þýsku A-deildinni í körfubolta í kvöld.
Martin mætti í Los Angeles Lakers-treyju með númerinu átta, en Kobe Bryant lék í slíkri treyju fyrri hlutann á ferlinum, áður en hann skipti yfir í treyju númer 24.
Eins og mbl.is hefur greint frá síðasta sólarhringinn eða svo var Bryant einn af níu sem létust í hörmulegu flugslysi í Kaliforníu í gærkvöldi. Þrettán ára dóttir hans lést einnig í slysinu.
Mynd af Martin í treyjunni má sjá hér fyrir neðan.
Martin Hermannsson @hermannsson15 honouring the legacy of #Kobe prior @albaberlin’s against @cr_merlins @easyCreditBBL @tangramsports pic.twitter.com/GisXavLHk5
— Christos Lazarou (@ChristosLazarou) January 27, 2020