Bikarinn áfram í Ásgarði

Stjarn­an varð bikar­meist­ari annað árið í röð körfuknatt­leik karla eft­ir sig­ur á Grinda­vík 89:75 í úr­slita­leik Geys­is­bik­ars­ins í Laug­ar­dals­höll­inni í dag. 

Eft­ir jafn­an fyrri hálfleik seig Stjarn­an fram úr og lagði grunn­inn að sigr­in­um með öfl­ug­um leik í þriðja leik­hluta eins og liðið hef­ur svo oft gert í leikj­um á ár­inu. Sama var uppi á ten­ingn­um í undanúr­slit­un­um gegn Tinda­stóli. Þá stakk Stjarn­an af eft­ir jafn­an fyrri hálfleik. 

Grind­vík­ing­ar náðu þó að hanga bet­ur í Garðbæ­ing­um held­ur en Sauðkræk­ing­um tókst. Að lokn­um fyrri hálfleik í úr­slita­leikn­um í dag var staðan 36:34 fyr­ir Stjörn­una en leik­ur­inn var al­ger­lega í járn­um í fyrri hálfleik.  

Í þriðja leik­hluta náði Stjarn­an und­ir­tök­un­um og kom sér upp væn­legu for­skoti. Fyr­ir síðasta leik­hlut­ann var mun­ur­inn orðinn ell­efu stig, 66:55. Þá var ljóst að róður­inn yrði þung­ur fyr­ir Grind­vík­inga. Þeir gáf­ust ekki upp en geysi­lega vel mannað lið Stjörn­unn­ar sýndi fá veik­leika­merki og landaði sigr­in­um nokkuð ör­ugg­lega. 

Átta leik­menn skoruðu fyr­ir Stjörn­una í dag sem sýn­ir ágæt­lega breidd­ina í leik­manna­hópn­um. Ægir Þór Stein­ars­son og Ni­kolas Tomsick skoruðu 19 stig hvor fyr­ir Stjörn­una. Ægir gaf auk þess 14 stoðsend­ing­ar og var val­inn maður leiks­ins af KKÍ. 

Sigrygg­ur Arn­ar Björns­son er maður bikarleikj­anna og skoraði 23 stig í dag en það dugði ekki til fyr­ir Grinda­vík. Ólaf­ur Ólafs­son skoraði 20 stig. 

Grinda­vík vann Fjölni í undanúr­slit­um á miðviku­dag­inn og Stjarn­an lagði Tinda­stól að velli.

Grinda­vík - Stjarn­an 75:89

Laug­ar­dals­höll, Bik­ar­keppni karla, 15. fe­brú­ar 2020.

Gang­ur leiks­ins:: 6:6, 8:10, 12:14, 19:18, 22:23, 28:27, 32:32, 34:36, 45:46, 47:49, 53:61, 55:66, 57:71, 66:75, 69:79, 75:89.

Grinda­vík: Sig­trygg­ur Arn­ar Björns­son 23/​5 frá­köst/​7 stoðsend­ing­ar, Ólaf­ur Ólafs­son 20, Valdas Vasylius 13/​8 frá­köst, Ingvi Þór Guðmunds­son 12/​9 frá­köst, Björg­vin Hafþór Rík­h­arðsson 5, Jens Val­geir Óskars­son 2.

Frá­köst: 20 í vörn, 8 í sókn.

Stjarn­an: Ægir Þór Stein­ars­son 19/​4 frá­köst/​14 stoðsend­ing­ar, Ni­kolas Tomsick 19, Kyle John­son 14/​5 frá­köst, Ur­ald King 14/​11 frá­köst, Hlyn­ur Elías Bær­ings­son 9/​12 frá­köst, Tóm­as Þórður Hilm­ars­son 5, Arnþór Freyr Guðmunds­son 5/​4 frá­köst, Gunn­ar Ólafs­son 4.

Frá­köst: 32 í vörn, 11 í sókn.

Dóm­ar­ar: Sig­mund­ur Már Her­berts­son, Davíð Tóm­as Tóm­as­son, Jó­hann­es Páll Friðriks­son.

Áhorf­end­ur: 2245

Lið Stjörn­unn­ar í bikar­úr­slita­leikn­um. KKÍ/​Jón­as Ottós­son.

Sig­trygg­ur Arn­ar skor­ar fyrstu körfu Grind­vík­inga í úr­slita­leikn­um. KKÍ/​Jón­as Ottós­son

Grinda­vík	75:89	Stjarn­an	Opna lýs­ingu Loka
99. mín. skor­ar
mín. 40 Leik lokið Stjarnan er bikarmeistari 2020. Lokatölur 89:75. 38 Staðan er 82:69. Arnþór setur þrist fyrir Stjörnuna og falla nú öll vötn til Garðabæjar. 35 Staðan er 75:66 fyrir Stjörnuna þegar 5 mínútur eru eftir. Þristar frá Björgvini og Ólafi fyrir Grindavík. 33 Staðan er 71:57 fyrir Stjörnuna. Bikarmeistararnir munu varla láta þessa forystu af hendi. Tomsick að setja niður þrist. Hann er með 17 stig. 31 Fjórði leikhluti hafinn 30 Þriðja leikhluta lokið Staðan er 66:55 fyrir Stjörnuna. Eins og gegn Tindastóli í undanúrslitunum sýna Garðbæingar klærnar í þriðja leikhluta. Ellefu stiga munur og Grindvíkingar þurfa á góðu áhlaupi að halda. 27 Staðan er 59:53 fyrir Stjörnuna. Fimm stig á skömmum tíma frá Ægi sem hefur skorað 13 stig og gefið 8 stoðsendingar. Meðan á sigurgöngu Stjörnunnar stóð í byrjun árs þá lagði liðið gjarnan grunn að sigri í þriðja leikhluta. Er liðið að gera slíkt hið sama núna? 26 Staðan er 51:50 fyrir Stjörnuna. Rosalegur úrslitaleikur. Liðin skora á víxl. 23 Staðan er 49:45 fyrir Stjörnuna. Þvílíkt stuð í upphafi seinni hálfleiks. Óli Óla er búinn að setja niður tvo þrista og er kominn í gang fyrir utan línuna. Garðbæingar eru einnig að setja þristana niður. 21 Síðari hálfleikur hafinn 20 Hálfleikur Staðan er 36:34 fyrir Stjörnuna. Jöfnum fyrri hálfleik er lokið. Grindavík er inni í leiknum þótt Ólafur Ólafs sé ískaldur en hann hefur aðeins hitt úr einu af átta fyrir utan 3-stiga línuna. Hvað gerist ef hann hitnar? Dreifingin í stigaskorinu er góð hjá Stjörnunni. Þeirra lykilmenn eru flestir ágætlega inni í leiknum en Tomsick og King eru með 8 stig hvor. Vasylius er með 11 stig hjá Grindavík og Sigtryggur Arnar 10 stig. Garðbæingar hafa verið duglegir að refsa Grindvíkingum með hraðaupphlaupum. Grindavík þarf að gæta sín á því að ljúka sóknunum með skynsamlegum hætti og forðast að skjóta snemma úr erfiðum færum. 18 Staðan er 34:32 fyrir Grindavík. Ingvi er að leika vel fyrir Grindavík. Óragur og sækir að körfunni. Tilburðirnir minna stundum á Jón Axel bróður hans. 15 Staðan er 28:27 fyrir Grindavík. Úrslitaleikurinn er ljómandi skemmtilegur til þessa. 12 Staðan er 23:19 fyrir Stjörnuna. Stjarnan byrjar vel í öðrum leikhluta og nær tveimur hraðaupphlaupum í röð. 11 Annar leikhluti hafinn 10 Fyrsta leikhluta lokið Grindavík með eins stigs forskot að loknum fyrsta leikhluta. Áhugaverður fyrsti leikhluti. Grindvíkingar hafa hitt illa fyrir utan en eru samt yfir. Sigtryggur Arnar er kominn með 10 stig en Grindvíkingar vilja sjá hann eiga stórleik. Garðbæingar hafa verið duglegir að keyra að körfunni hjá Grindavík sem er snjallt enda Grindavíkurliðið lágvaxið. 6 Staðan er 10:8 fyrir Stjörnuna. Leikhlé. Fín byrjun. Grindvíkingar hafa ekki sett niður þriggja stiga skotin til að byrja með. Aðeins eitt af átta hafa ratað rétta leið. 2 Staðan er 4:4. Bikarleikjamaðurinn Sigtryggur Arnar er þegar búinn að setja niður þrist. Grindavík þarf á honum að halda í dag. 1 Leikur hafinn 0 0 Eins og margoft hefur komið fram er Seth Christian LeDay hjá Grindavík í leikbanni eftir að hafa slegið leikmann Stjörnunnar í leik liðanna í deildinni á dögunum. 0 Smekkfull Laugardalshöll í dag og útlit fyrir alvöru stemningu. 0 Stjörnumenn eru núverandi bikarmeistarar og eru efstir á Íslandsmótinu með 30 stig eftir 18 umferðir en Grindavík er í 8. sæti með 14 stig. 0 Stjarnan vann Tindastól í undanúrslitunum í vikunni en Grindavík hafði betur gegn Fjölni. 0 Úrslita­leik­ur Stjörn­unn­ar og Grinda­vík­ur í bik­ar­keppni karla í körfuknatt­leik, Geys­is­bik­arn­um, fer fram í Laug­ar­dals­höll­inni í dag og hefst kl. 13.30. Sjá meira Sjá allt Dómarar: Sigmundur Már Herbertsson, Davíð Tómas Tómasson og Jóhannes Páll Friðriksson Lýsandi: Kristján Jónsson Völlur: Laugardalshöll

• Blogga um frétt