Bikar í Borgarnes

Skalla­grím­ur varð bikar­meist­ari í bolta­grein í fyrsta skipti í sögu fé­lags­ins þegar liðið vann KR 66:49 í úr­slita­leik Geys­is­bik­ars kvenna í körfuknatt­leik í Laug­ar­dals­höll­inni í dag.

Lítið var skorað lengi vel í úr­slita­leikn­um í dag staðan að lokn­um fyrri hálfleik var 27:24 fyr­ir Skalla­grím en leik­ur­inn var í járn­um í fyrri hálfleik. 

Í síðari hálfleik voru Borg­nes­ing­ar mun sterk­ari og náðu tíu stiga for­skoti. KR komst aft­ur inn í leik­inn og minnkaði mun­inn niður í fjög­ur stig en for­skotið fór fljótt upp í tíu stig á ný. Fyr­ir síðasta leik­hlut­ann var staðan 45:34 og í síðasta leik­hlut­an­um var lít­il spurn­ing um hvoru meg­in sig­ur­inn myndi lenda. 

Borg­nes­ing­ar hafa beðið síðan 1964 eft­ir titli en þá varð kvennalið fé­lags­ins Íslands­meist­ari í körfuknatt­leik og leik­menn liðsins sem þess áttu kost voru á leikn­um í dag. 

Vörn Skalla­gríms var mjög sterk í dag og lyk­il­menn liðsins skiluðu sínu. Keira Robin­son er ill­viðráðan­leg þegar hún kemst í stuð og skoraði 32 stig í leikn­um. Var hún val­in maður leiks­ins af KKÍ. Mat­hilda Cold­ing-Poul­sen skoraði 11 stig og Em­ilie Sofie Hesseldal 10 stig en þar af 9 í síðari hálfleik. Sigrún Sjöfn Ámunda­dótt­ir, syst­ir Guðrún­ar þjálf­ara,  skoraði 9 stig en þær syst­ur fögnuðu geysi­lega þegar sig­ur­inn var í höfn. 

Hittni KR-liðsins var af­leit í dag. Liðið hitti úr 20 af 41 þriggja stiga skoti gegn Val í undanúr­slit­um en í dag var sú hittni 2 af 29. Sveifl­urn­ar verða ekki mikið meiri. Danielle Victoria Rodrigu­ez var at­kvæðamest með 22 stig fyr­ir KR. Unn­ur Tara Jóns­dótt­ir lék einnig ágæt­lega en marg­ir leik­manna KR léku und­ir getu í sókn og áttu erfitt upp­drátt­ar gegn vörn Skalla­gríms. 

KR vann Val 104:99 eft­ir fram­lengd­an leik og mikla spennu á fimmtu­dag en Skalla­grím­ur lagði Hauka að velli í síðari undanúr­slita­leikn­um 86:79.

KR - Skalla­grím­ur 49:66

Laug­ar­dals­höll, Bik­ar­keppni kvenna, 15. fe­brú­ar 2020.

Gang­ur leiks­ins:: 0:2, 3:5, 5:8, 13:11, 16:13, 19:15, 21:21, 24:27, 24:32, 30:36, 32:42, 34:45, 42:52, 44:57, 45:61, 49:66.

KR: Danielle Victoria Rodrigu­ez 22/​7 frá­köst, Hild­ur Björg Kjart­ans­dótt­ir 10/​7 frá­köst, Unn­ur Tara Jóns­dótt­ir 7/​6 frá­köst, Sanja Orozovic 4/​7 frá­köst/​6 stoðsend­ing­ar, Sóllilja Bjarna­dótt­ir 2, Þóra Birna Ingvars­dótt­ir 2, Perla Jó­hanns­dótt­ir 2.

Frá­köst: 25 í vörn, 3 í sókn.

Skalla­grím­ur: Keira Bree­anne Robin­son 32/​11 frá­köst, Mat­hilde Cold­ing-Poul­sen 11/​4 frá­köst, Em­ilie Sofie Hesseldal 10/​8 frá­köst, Sigrún Sjöfn Ámunda­dótt­ir 9/​14 frá­köst, Maja Michalska 4/​5 frá­köst.

Frá­köst: 41 í vörn, 1 í sókn.

Dóm­ar­ar: Krist­inn Óskars­son, Ísak Ern­ir Krist­ins­son, Davíð Kristján Hreiðars­son.

Áhorf­end­ur: 1849

KR	48:66	Skalla­grím­ur	Opna lýs­ingu Loka
99. mín. skor­ar
mín. 40 Leik lokið Leiknum er lokið með sigri Skallagríms 66:49. 38 Staðan er 61:45 fyrir Skallagrím þegar rúmar tvær mínútur eru eftir. Borgnesingar eru nánast byrjaðir að fagna sigri á áhorfendapöllunum. Þar er Félagsmálaráðherrann Ásmundur Einar Daðason fremstur í flokki og skartar grænum kúrekahatti. 37 Staðan er 59:44 fyrir Skallagrím þegar þrjár mínútur eru eftir. KR þarf á kraftaverki að halda til að vinna bikarinn úr því sem komið er. Skallagrímur mun sterkari í síðari hálfleik. 36 Staðan er 59:44 fyrir Skallagrím. Sigrún skorar mikilvæga körfu og staða Borgnesinga er vænleg. Danielle er auk þess komin með 4 villur hjá KR. 34 Staðan er 54:42 fyrir Skallagrím. KR tekur leikhlé. Robinson og Hesseldal láta nú til sín taka og halda KR í hæfilegri fjarlægð. Danielle er drjúg hjá KR og er komin með 22 stig en fleiri þurfa að taka af skarið. Hildur er með 9 stig sem er fremur lítið fyrir hana og Orozovic sem átti stórleik gegn Val hefur aðeins skorað 4 stig. 32 Staðan er 50:37. Góð byrjun Borgnesinga í síðasta leikhlutanum og munurinn eykst. 31 Fjórði leikhluti hafinn 30 Þriðja leikhluta lokið Staðan er 45:34. Skallarímur er með ellefu stiga forskot fyrir síðasta leikhlutann. KR sem skoraði 50 stig í fyrri hálfleik gegn Val á fimmtudag hefur skorað 34 stig í þremur leikhlutum í dag. 27 Staðan er 40:30 fyrir Skallagrím. Emile Hesseldal sem fann sig engan veginn í fyrri hálfleik skorar tvær körfur í teignum á stuttum tíma og kemur forskotinu aftur í tíu stig. 24 Staðan er 34:28 fyrir Skallagrím. Danielle nær í fjögur stig fyrir KR. Afar mikilvægt. Munurinn var orðinn tíu stig þegar hún setur þrist þegar brotið var á henni og skorar úr vítinu að auki. 23 Staðan er 32:24 fyrir Skallagrím. Robinson setur niður þrist og munurinn er átta stig. KR gengur illa að skora sem eru mikil viðbrigði frá undanúrslitaleiknum gegn Val þar sem liðið skoraði meira en 100 stig. 21 Síðari hálfleikur hafinn 20 Hálfleikur Fyrri hálfleik er lokið. Staðan er 27:24 fyrir Skallagrím. Mathilde Colding-Poulsen setti niður þrist þegar örfáar sekúndur voru eftir af fyrri hálfleik og kom Skallagrími yfir. Mikið stemningsatriði fyrir Borgnesinga sem fögnuðu hressilega. Danielle er með 12 stig fyrir KR en Keira Robinson 11 fyrir Skallagrím. Sigrún Sjöfn er með 7 stig og Colding-Poulsen 8 stig. KR þarf að ná að virkja Hildi Björgu betur en hún er með 5 stig. 18 Staðan er 21:21. Robinson er komin í gang og jafnar fyrir Skallagrím með tveimur þristum í röð. 15 Staðan er 19:15 fyrir KR. Fjögurra stiga munur þegar annar leikhluti er hálfnaður. Mikil barátta í leiknum og minna um skemmtileg tilþrif enn sem komið er. 13 Staðan er 16:13. Leikurinn er stopp á meðan dómarar skoða myndband. Spurning hvort KR hafi náð að skora þriggja stiga körfu eða ekki. 13 Staðan er 16:13 fyrir KR. Danielle Rodriguez hefur skorað 8 stig fyrir KR. Sigrún Sjöfn Ámundadóttir er með 7 stig. Mjög mikilvægt fyrir Skallagrím að hún eigi góðan leik. 11 Annar leikhluti hafinn 10 Fyrsta leikhluta lokið Staðan er 13:11 fyrir KR. KR-ingar náðu að komast yfir á lokamínútum fyrsta leikhluta. Liðunum gekk illa að skora framan af en aðeins rættist úr því. 6 Staðan er 5:5. Leikmenn eru ekki komnir í gang í skotunum. 3 Staðan er 3:2 fyrir KR. Fyrstu körfur liðanna komu eftir tæpar þrjár mínútur. Smá skrekkur í leikmönnum á upphafsmínútum eins og gjarnan í bikarúrslitaleikjum. 1 Leikur hafinn 0 0 Skallagrímur hefur aldrei orðið bikarmeistari en KR hefur tíu sinnum unnið. Það hefur þó ekki gerst síðan 2009. 0 KR vann Val 104:99 eft­ir fram­lengd­an leik og mikla spennu á fimmtu­dag en Skalla­grím­ur lagði Hauka að velli í síðari undanúr­slita­leikn­um 86:79. 0 Úrslit­in ráðast í Geys­is­bik­arn­um í körfuknatt­leik kvenna í Laug­ar­dals­höll­inni í dag en klukk­an 16.30 eig­ast við KR og Skalla­grím­ur í úr­slita­leik. Sjá meira Sjá allt Dómarar: Kristinn Óskarsson, Ísak Ernir Kristinsson og Davíð Kristján Hreiðarsson Lýsandi: Kristján Jónsson Völlur: Laugardalshöll Áhorfendafjöldi: 2.245

• Blogga um frétt