Annar forljótur en hinn gullfallegur

„Um leið og það varð ljóst að ég væri á för­um frá KR hafði Arn­ar strax sam­band við mig,“ sagði Ingi Þór Steinþórs­son, nýráðinn aðstoðarþjálf­ari karlaliðs Stjörn­unn­ar í körfuknatt­leik, í sam­tali við mbl.is á blaðamanna­fundi Garðbæ­inga í Sjálandi í Garðabæ í dag.

Frétt af mbl.is

Gríðarlega öfl­ugt þjálf­arat­eymi í Garðabæn­um

Ingi Þór skrifaði und­ir eins árs samn­ing við Stjörn­una en hon­um var sagt upp störf­um hjá KR í byrj­un maí­mánaðar. Ingi Þór er á meðal reynslu­mestu þjálf­ara lands­ins en hann gerði KR tví­veg­is að Íslands­meist­ur­um, síðast árið 2019 þegar liðið vann sjötta Íslands­meist­ara­titil sinn í röð. 

Þá gerði hann KR einnig að Íslands­meist­ur­um árið 2000, karlalið Snæ­fells að Íslands- og bikar­meist­ur­um 2010 og kvennalið Snæ­fells að Íslands­meist­ur­um á ár­un­um 2014 til árs­ins 2016.

„Mér stóð ým­is­legt til boða eft­ir að ég var rek­inn frá KR og ég er mjög þakk­lát­ur fyr­ir þann áhuga sem mér hef­ur verið sýnd­ur á und­an­förn­um dög­um. Það voru nokk­ur lið sem mér stóð til boða að taka við en það besta í stöðunni fyr­ir mig per­sónu­lega var samt að semja við Stjörn­una.“

Þjálf­arat­eymi Stjörn­unn­ar á næstu leiktíð. mbl.is/​Bjarni Helga­son

Mik­ill metnaður í Garðabæ

Arn­ar Guðjóns­son var ráðinn þjálf­ari Stjörn­unn­ar árið 2018 en liðið varð bik­ar- og deild­ar­meist­ari á síðustu leiktíð sem og þar síðustu leiktíð. Liðið hef­ur hins veg­ar aldrei orðið Íslands­meist­ari en ásamt Inga og Arn­ari verður Danielle Rodrigu­ez einnig í þjálf­arat­eymi fé­lags­ins.

„Við Arn­ar erum mjög ólík­ir karakt­er­ar. Í fyrsta lagi er hann for­ljót­ur á meðan ég er gull­fal­leg­ur og sýn­ir einna helst hversu ólík­ir við erum. Ég held að við eig­um eft­ir að mynda mjög sterkt teymi ásamt Danielle Rodrigu­ez.

Það er mik­ill metnaður í Garðabæn­um og hann hef­ur alltaf verið til staðar. Núna eru þeir að gefa enn meira og ég verð að sjálf­sögðu ekki bara hjá meist­ara­flokkn­um held­ur líka með ung­linga- og drengja­flokk­inn í sam­starfi við Álfta­nes sem er virki­lega spenn­andi.“

• Blogga um frétt