Úrvalsdeildarlið Njarðvíkur hefur samið við norskan leikmann um að leika með liðinu á næsta keppnistímabili í körfuknattleiknum.
Sá heitir Johannes Dolven og er frá Osló. Hann lék með Barry í bandaríska háskólaboltanum og var þar samherji Elvars Más Friðrikssonar um tíma.
Á síðasta tímabili sínu í NCAA skoraði Dolmen 9 stig að meðaltali fyrir Barry og tók að jafnaði 7 fráköst.