Brooklyn ræður goðsögn

Kan­adamaður­inn Steve Nash verður næsti þjálf­ari NBA-liðsins Brook­lyn Nets og standa von­ir til að hann stýrði Kevin Durant og Kyrie Irv­ing hjá liðinu á næstu leiktíð, en Durant lék ekk­ert á þessu tíma­bili vegna meiðsla og Irv­ing var sömu­leiðis mikið frá. 

Brook­lyn átti erfitt síðasta tíma­bil og ætl­ar sér stóra hluti á næstu leiktíð með stjörn­ur á vell­in­um og á hliðarlín­unni. 

Nash er Kan­adamaður fædd­ur í Suður-Afr­íku, en for­eldr­ar hans eru bresk­ir, nán­ar til­tekið frá Wales og Englandi. Fjöl­skyld­an flutti hins­veg­ar til Kan­ada þegar Nash var á öðru ári. Hann kom í NBA-deild­ina árið 1996. Hann lék tvö fyrstu árin með Phoen­ix, var síðan í sex ár með Dallas Mavericks en sneri aft­ur til Phoen­ix árið 2004 og lék þar í átta ár, eða þar til hann gekk til liðs við Lakers árið 2013.

Hann var fimm sinn­um á sjö árum á bil­inu 2005 til 2011, með flest­ar stoðsend­ing­ar allra í deild­inni, var val­inn í stjörnu­leik NBA átta sinn­um á ár­un­um 2002 til 2012, auk fjölda annarra viður­kenn­inga.

Nash var fjöl­hæf­ur íþróttamaður og lagði stund á knatt­spyrnu og ís­hokkí áður en hann ein­beitti sér að körfu­bolt­an­um. Hann hef­ur haft sér­stak­lega mik­inn áhuga á knatt­spyrnu og komið að íþrótt­inni á ýms­an hátt. Nash hef­ur m.a. tekið þátt í æf­ing­um með In­ter Mílanó og New York Red Bulls og er ákaf­ur stuðnings­maður enska liðsins Totten­ham, þar sem hann íhugaði um skeið að ger­ast meðeig­andi í Lund­úna­fé­lag­inu.

Hann tók enn­frem­ur þátt að koma kanadíska liðinu Vancou­ver Whitecaps, sem þá var und­ir stjórn Teits Þórðar­son­ar, inn í banda­rísku MLS-deild­ina. Teit­ur þjálfaði ein­mitt liðið á fyrsta ári þess þar. Nash er meðeig­andi í fé­lag­inu.

• Blogga um frétt