Giannis og félagar héldu sér á lífi

Milwaukee Bucks er enn á lífi í úr­slita­keppn­inni í NBA-körfu­bolt­an­um í Banda­ríkj­un­um eft­ir 118:115-sig­ur á Miami Heat í Disney-landi í Flórída í kvöld. 

Miami vann þrjá fyrstu leik­ina og hefði með sigri í dag sópað Milwaukee, sem endaði efst í aust­ur­deild­inni, úr leik. 

Miami var tölu­vert sterk­ara í fyrsta leik­hluta, en Milwaukee í öðrum leik­hluta og var staðan 50:48, Milwaukee í vil, í hálfleik. Seinni hálfleik­ur var hníf­jafn og var staðan 107:107 eft­ir venju­leg­an leiktíma og því varð að fram­lengja. Milwaukee var ögn sterk­ara í fram­leng­ingu og vann að lok­um þriggja stiga sig­ur. 

Khris Middlet­on skoraði 36 stig, gáf átta stoðsend­ing­ar og tók átta frá­köst fyr­ir Milwaukee og Gi­ann­is An­tet­okoun­mpo gerði 19 stig. Bam Adebayo skoraði 26 stig og tók 12 frá­köst fyr­ir Miami.

• Blogga um frétt