Yfirlýsing frá KR
Kristófer Acox.
mbl.is/Árni Sæberg
Setja bókamerki
Körfuknattleiksdeild KR hefur sent frá sér yfirlýsingu vegna Kristófers Acox sem tilkynnti í dag að hann vildi yfirgefa félagið.
Yfirlýsingin frá KR-ingum er eftirfarandi:
„Eins og komið hefur fram þá hefur Kristófer Acox lýst því yfir að hann hafi yfirgefið KR. Körfuknattleiksdeild KR hefur undanfarnar vikur lagt mikla vinnu í að leysa þá stöðu sem uppi er varðandi samning Kristófers. Eins og allir vita hefur Covid-19 faraldurinn sett strik í reikninginn í íþróttahreyfingunni síðustu mánuði og er KR engin undantekning þar. Körfuknattleiksdeild KR bauð Kristófer mjög sanngjarna lausn til að leysa málin, bæði hvað varðar launaágreining og áframhaldandi samning, en því miður hafnaði Kristófer því.
Körfuknattleiksdeild KR hefur fyrir því öruggar heimildir að önnur lið hafi sett sig í samband við Kristófer þrátt fyrir að hann væri samningsbundinn KR, eins að hann hafi fengið send samningsdrög frá öðru liði. Þess háttar vinnubrögð eru, ef ekki ólögleg, þá allavega ekki til eftirbreytni innan okkar ágætu körfuboltahreyfingar.
Körfuknattleiksdeild KR þakkar Kristófer hans framlag til félagsins og óskar honum alls hins besta í framtíðinni.“
Eiga að loka flugbrautinni fyrir laugardag
Sekt fyrir barnakynlífsdúkkur: Kallaði sjálfur til lögreglu
„Það er viðbúnaður alls staðar“
Milljarðatugir í ríkiskassann
Myndskeið: Eldingum sló niður á mínútu fresti
„Heppinn að vera ekki framþyngri“
„Ljósið lifir“