Í fótspor foreldranna

Hjá körfuknatt­leiks­deild Hauka var fólk ekki lengi að gráta för landsliðsmanns­ins Kára Jóns­son­ar til Spán­ar held­ur var náð í öfl­ug­an leik­mann til Grinda­vík­ur. 

Ingvi Þór Guðmunds­son er geng­inn í raðir Hauka frá Grinda­vík en Hauk­ar til­kynntu um fé­laga­skipt­in á heimasíðu sinni. 

Ingvi skoraði 14 stig að meðaltali í Dom­in­os-deild­inni síðasta vet­ur, gaf að jafnaði 5 stoðsend­ing­ar og tók 5 frá­köst í leik. Hann ætti því að styrkja lið Hauka veru­lega en Ingvi á marga leiki að baki fyr­ir yngri landslið Íslands. 

Ingvi er upp­al­inn í Grinda­vík en for­eldr­arn­ir Guðmund­ur Braga­son og Stef­an­ía Jóns­dótt­ir léku bæði körfuknatt­leik með Hauk­um um tíma. Eldri bróðir Ingva er Jón Axel, at­vinnumaður í Þýskalandi og landsliðsmaður. 

• Blogga um frétt