Sterkur í sigri í Meistaradeildinni

Zaragoza frá Spáni vann í kvöld 94:82-sigur á Lublin frá Póllandi í meistaradeild Evrópu í körfubolta. Miðherjinn sterki Tryggvi Snær Hlinason átti fínan leik fyrir Zaragoza. 

Tryggvi skoraði átta stig, tók átta fráköst og varði tvö skot á rúmri 21 mínútu. Þá vann Zaragoza mínúturnar sem Tryggvi spilaði með 24 stiga mun, en enginn leikmaður hafði eins góð áhrif á lið Zaragoza. 

Með sigrinum tryggði Zaragoza sér toppsæti D-riðils en liðið hafði þegar tryggt sér sæti í næstu umferð keppninnar. 

• Blogga um frétt