Jokic tryggði sigur með minnsta mun
Setja bókamerki
Serbneski miðherjinn Nikola Jokic reyndist liði sínu Denver Nuggets afar mikilvægur þegar það vann Memphis Grizzlies með minnsta mun í NBA-deildinni í körfuknattleik í nótt.
Jokic náði tvöfaldri tvennu og var stigahæstur í leiknum með 28 stig auk þess sem hann tók 15 fráköst og gaf sjö stoðsendingar.
Það var hins vegar varnarleikur hans á ögurstundu sem tryggði sigurinn í nótt. Þegar þrjár sekúndur voru eftir á klukkunni, í stöðunni 103:102, kom hann í veg fyrir að Ja Morant hjá Memphis skoraði einfalda tveggja stiga körfu.
Morant og samherjar hans hjá Memphis voru afar ósáttir við að ekki hafi verið dæmt leikbrot á Jokic en dómarar leiksins sögðu Jokic hafa verið í löglegri varnarstöðu. Lokatölur því 103:102.
Sex aðrir leikir fóru fram í NBA-deildinni í nótt.
Öll úrslit næturinnar:
Memphis - Denver 102:103
New Orleans – Cleveland 116:82
Washington – Philadelphia 101:127
Chicago – Miami 90:101
San Antonio – Orlando 104:77
Utah – Houston 114:99
LA Lakers – Indiana 105:100
Reikna með sýnatökum og rakningu eftir þorrablótin
Leiðum er lokað í Heiðmörk vegna vatnsverndar
Höfða mál gegn Kennarasambandinu
Segir dóminn vonbrigði og líklega áfrýjað
Svona er plan ríkisstjórnarinnar
Guðlaugur býður sig ekki fram til formanns
„Pólitískur hráskinnaleikur“ kom í veg fyrir samning