Curry skaut toppliðið í kaf
Setja bókamerki
Steph Curry var óstöðvandi á lokakaflanum er Golden State Warriors hafði betur gegn Utah Jazz á heimavelli í NBA-körfuboltanum í Bandaríkjunum í kvöld, 131:119. Curry skoraði 10 af 13 síðustu stigum Golden State.
Golden State var með forskot nánast allan leikinn og var sigurinn verðskuldaður gegn Utah-liði sem hefur hikstað síðustu vikur, eftir stórkostlegt gengi þar á undan.
Curry skoraði alls 32 stig í leiknum og þá skilaði Draymond Green þrefaldri tvennu; 11 stigum, 12 fráköstum og 12 stoðsendingum. Rudy Gobert skoraði 24 stig og tók 28 fráköst fyrir Utah.
Þrátt fyrir úrslitin er Utah enn í toppsæti Vesturdeildarinnar með 28 sigra og 10 töp. Golden State er í níunda sæti í sömu deild með 20 sigra og 19 töp.
Oklahoma City Thunder vann 128:122-heimasigur á Memphis Grizzlies fyrr í dag. Shai Gilgeous-Alexander skoraði 30 stig fyrir Oklahoma og Ja Morant gerði 22 fyrir Memphis.
Memphis er í tíunda sæti Vesturdeildarinnar með 17 sigra og 18 töp og Oklahoma í 12. sæti með 17 sigra og 22 töp.
Guðlaugur býður sig ekki fram til formanns
Leiðum er lokað í Heiðmörk vegna vatnsverndar
Reikna með sýnatökum og rakningu eftir þorrablótin
Sverri og Snorra báðum gert að greiða 1,1 milljarð
„Skömm að því“
Segir dóminn vonbrigði og líklega áfrýjað
„Ég hef ekki lesið mína eigin bók“