Elvar frábær í mikilvægum sigri

Elv­ar Már Friðriks­son var í aðal­hlut­verki hjá Siauliai sem vann gríðarlega mikilvægan 99:68-sigur á Neptunas í lit­háísku A-deildinni í körfuknattleik í kvöld en bæði lið eru í fallbaráttunni.

Njarðvík­ing­ur­inn heldur áfram að leika á als oddi með botnliðinu en hann var stigahæstur í kvöld með 18 stig á þeim 27 mínútum sem hann spilaði. Þá gaf hann sjö stoðsendingar og tók tvö fráköst. 

Siauliai er í 10. og neðsta sæti deildarinnar með sjö sigra í 25 leikjum en Neptunas er í 8. sæti með átta vinninga. Neðsta liðið fellur úr deildinni og það næstneðsta fer í umspil.

• Blogga um frétt