Tveggja leikja bann fyrir olnbogaskot

Körfu­boltamaður­inn Adom­as Drungilas hef­ur verið úr­sk­urðaður í tveggja leikja keppn­is­bann af aga- og úr­sk­urðar­nefnd Körfuknatt­leiks­sam­bands Íslands fyr­ir að veita and­stæðingi oln­boga­skot í leik Þórs frá Þor­láks­höfn og Stjörn­unn­ar í síðustu viku.

Lit­há­inn sveiflaði oln­bog­an­um í and­lit Mirza Saralilja er Þórsar­ar unnu 92:83-sig­ur á heima­velli. Dóm­ar­ar leiks­ins sáu ekki at­vikið og gátu því ekk­ert dæmt á vell­in­um. Seg­ir meðal ann­ars í niður­stöðu nefnd­ar­inn­ar „að mynd­bands­upp­taka sem fylgdi kæru sýni með óyggj­andi hætti að kærði hafi, með því að reka oln­boga sinn í höfuð and­stæðings síns, framið brot sem hefði átt að leiða til brott­vís­un­ar.“

Var hann því úr­sk­urðaður í tveggja leikja bann en keppni ligg­ur niðrí á Íslands­mót­inu vegna hertra aðgerða yf­ir­valda til að sporna við kór­ónu­veirufar­aldr­in­um. Næstu tveir leik­ir Þórs, sem sit­ur í öðru sæti, eiga að vera gegn Þór Ak­ur­eyri og Hetti.

• Blogga um frétt