Sannfærandi Þórsarar flugu í úrslitin

Þór frá Þor­láks­höfn vann frá­bær­an 92:74 sig­ur gegn Stjörn­unni á heima­velli í odda­leik liðanna í undanúr­slit­um Íslands­móts­ins í körfuknatt­leik karla í kvöld og tryggði sér þar með sæti í úr­slit­un­um gegn Kefla­vík. Stór­kost­leg­ur síðari hálfleik­ur heima­manna lagði grunn­inn að sigr­in­um.

Stjörnu­menn byrjuðu leik­inn af mikl­um krafti þar sem Ægir Þór Stein­ars­son gaf tón­inn með því að setja fyrsta þriggja stiga skotið niður. Í kjöl­farið fylgdu nokkr­ir þrist­ar í viðbót og gest­irn­ir voru komn­ir með átta stiga for­ystu, 6:14, um miðjan fyrsta leik­hluta.

Mest náðu Stjörnu­menn 11 stiga for­ystu í fyrsta leik­hluta, 11:22, og voru með níu stiga for­ystu að hon­um lokn­um, 17:26.

Í öðrum leik­hluta byrjuðu Þórsar­ar af mikl­um krafti og skoruðu fyrstu fimm stig hans á fyrstu mín­út­unni. Staðan orðin 22:26 en þá tók við afar góður kafli hjá Stjörnu­mönn­um, sem náðu mest 13 stiga for­ystu í leik­hlut­an­um, 26:39.

Þórsar­ar voru þó ekk­ert á því að gef­ast upp og leiddi Larry Thom­as góða end­ur­komu heima­manna með átta stig­um, þar af tveim­ur þrist­um, á skömm­um tíma. Færðust heima­menn sí­fellt nær og náðu að minnka for­yst­una í aðeins þrjú stig áður en fyrri hálfleik­ur­inn var úti.

Staðan í leik­hléi 44:47, Stjörnu­mönn­um í vil, eft­ir skemmti­leg­an fyrri hálfleik þar sem þriggja stiga skot­nýt­ing gest­anna var sér­stak­lega góð, eða 45 pró­sent.

Þórsar­ar komu af gíf­ur­leg­um krafti í síðari hálfleik. Thom­as hélt upp­tekn­um hætti strax í upp­hafi og jafnaði met­in í 47:47 með lag­leg­um þristi. Styrm­ir Snær Þrast­ar­son skoraði svo tvisvar í röð und­ir körf­unni, auk þess sem Thom­as setti niður tvö víta­skot.

Þórsar­ar voru ekki hætt­ir og Call­um Law­son setti einnig niður þrist og heima­menn þannig skyndi­lega komn­ir í níu stiga for­ystu, 56:47. Á meðan tók það Stjörnu­menn tæp­ar fimm mín­út­ur að skora sín fyrstu stig í síðari hálfleik.

Eft­ir þessa hræðilegu byrj­un á síðari hálfleikn­um tóku Stjörnu­menn vel við sér og náðu að jafna met­in í 61:61 þegar skammt var eft­ir af þriðja leik­hluta.

Þórsar­ar áttu þó síðasta orðið í leik­hlut­an­um og staðan að hon­um lokn­um 65:61, heima­mönn­um í vil.

Þeir hófu fjórða leik­hlut­ann af sama krafti og þann þriðja og settu niður þrjár þriggja stiga körf­ur á fyrstu tveim­ur mín­út­un­um; Hall­dór Garðar Her­manns­son, Davíð Arn­ar Ágústs­son og Adom­as Drungilas voru þar að verki.

Mun­ur­inn þar með skyndi­lega orðinn 13 stig, 74:61, og Stjörnu­menn heill­um horfn­ir. Þórsar­ar hertu enn frek­ar tök­in og náðu mest 19 stiga for­ystu, 82:63.

Þórsar­ar unnu að lok­um ör­ugg­an 18 stiga sig­ur, 92:74, og ein­vígið þar með 3:2 og mæta deild­ar­meist­ur­um Kefla­vík­ur í úr­slita­ein­vígi Íslands­móts­ins. Fyrsti leik­ur­inn fer fram í Kefla­vík næst­kom­andi miðviku­dag.

Í síðari hálfleik var sókn­ar­leik­ur Þórsara mjög góður en það var þó fyrst og fremst magnaður varn­ar­leik­ur liðsins í hálfleikn­um sem skóp sig­ur­inn, enda skoruðu Stjörnu­menn aðeins 27 stig í hon­um.

Þar munaði ansi miklu um Lit­há­ann öfl­uga, Adom­as Drungilas, sem lét lítið fyr­ir sér fara í sókn­inni að þessu sinni en tók hvorki meira né minna en 24 frá­köst, þar af 18 varn­ar­frá­köst.

Þór Þor­láks­höfn - Stjarn­an 92:74

Icelandic Glacial-höll­in, Dom­in­os-deild karla, 12. júní 2021.

Gang­ur leiks­ins:: 2:6, 6:10, 11:17, 17:24, 26:35, 31:41, 41:47, 44:47, 51:47, 56:49, 61:56, 65:61, 76:63, 82:65, 84:70, 92:74.

Þór Þor­láks­höfn: Larry Thom­as 23/​5 frá­köst/​5 stoðsend­ing­ar, Styrm­ir Snær Þrast­ar­son 21/​7 frá­köst, Call­um Reese Law­son 15/​6 frá­köst, Ragn­ar Örn Braga­son 9, Hall­dór Garðar Her­manns­son 8, Adom­as Drungilas 7/​24 frá­köst, Emil Kar­el Ein­ars­son 4, Davíð Arn­ar Ágústs­son 3, Tóm­as Val­ur Þrast­ar­son 2.

Frá­köst: 33 í vörn, 13 í sókn.

Stjarn­an: Ægir Þór Stein­ars­son 22/​7 frá­köst/​5 stoðsend­ing­ar, Hlyn­ur Elías Bær­ings­son 9/​6 frá­köst, Gunn­ar Ólafs­son 9, Al­ex­and­er Lindqvist 8/​6 frá­köst, Tóm­as Þórður Hilm­ars­son 8/​5 frá­köst, Dúi Þór Jóns­son 8, Aust­in James Brode­ur 6/​4 frá­köst, Arnþór Freyr Guðmunds­son 4.

Frá­köst: 20 í vörn, 11 í sókn.

Dóm­ar­ar: Sig­mund­ur Már Her­berts­son, Krist­inn Óskars­son, Davíð Tóm­as Tóm­as­son.

Áhorf­end­ur: 300

Þór Þ.	92:74	Stjarn­an	Opna lýs­ingu Loka
99. mín. skor­ar
Breiðablik (57. mín.) Mörk Almarr Ormarsson (42. mín.) Kristinn Ingi Halldórsson (55. mín.) Spjöld Jon André Röyrane (44. mín.) Halldór Hermann Jónsson (60. mín.) mín. 90 Leik lokið +3 Framarar krækja í dýrmæt þrjú stig. 90 Þremur mínútum er bætt við leiktímann. Blikarnir eru að falla á tíma. 83 Miðvörðurinn Sverrir Ingi er kominn í fremstu víglínu hjá heimamönnum. 80 Árni Vilhjálmsson (Breiðablik) á skot í þverslá Árni með þrumskot í slá og niður. Markið liggur hreinlega í loftinu hjá Blikum. Framararnir eru á hælunum þessa stundina. 79 Gísli Páll Helgason (Breiðablik) kemur inn á 79 Renee Troost (Breiðablik) fer af velli 78 Árni Vilhjálmsson (Breiðablik) á skalla sem er varinn Ögmundur vel staðsettur og varði vel. 77 Ellert Hreinsson (Breiðablik) á skalla sem er varinn Ellert í sannkölluðu dauðafæri en skallaði beint í hendurnar á Ögmundi. 76 Guðjón Pétur Lýðsson (Breiðablik) á skalla sem fer framhjá Góður skalli en rétt framhjá. Blikar sækja grimmt og freista þess að jafna metin. 74 Breiðablik fær hornspyrnu 73 Breiðablik fær hornspyrnu 71 Guðjón Pétur Lýðsson (Breiðablik) á skot framhjá Flott tilraun hjá Guðjóni en boltinn fór naumlega framhjá markinu. 67 Viggó Kristjánsson (Breiðablik) kemur inn á 67 Tómas Óli Garðarsson (Breiðablik) fer af velli 67 Kristinn Jónsson (Breiðablik) á skot framhjá Aukaspyrna Kristins hátt yfir markið. 64 Markið hefur hleypt lífi í Blikanna sem sækja nú nokkuð stíft. 61 Aron Bjarnason (Fram) kemur inn á 61 Jon André Röyrane (Fram) fer af velli 60 Halldór Hermann Jónsson (Fram) fær gult spjald 57 MARK! Breiðablik (Breiðablik) skorar Mark 1:2 Halldór Arnarsson varð fyrir því óláni að skora sjálfsmark eftir að Sverrir Ingi hafði skallað að marki Framara. 55 MARK! Kristinn Ingi Halldórsson (Fram) skorar Mark - 0:2 Flott skyndsókn Framara. Almarr sendi á varamanninn sem lagði boltann fyrir sig og skoraði með hnitmiðuðu skoti sem Gunnleifur réð ekki við. 55 Ellert Hreinsson (Breiðablik) á skot framhjá Afar slakt skot og boltinn víðs fjarri markinu. 48 Halldór Arnarsson (Fram) á skalla sem fer framhjá 47 Fram fær hornspyrnu 46 Kristinn Ingi Halldórsson (Fram) kemur inn á 46 Hólmbert Aron Friðjónsson (Fram) fer af velli Einhver meiðsli að angra framherjann sem þurfti í tvígang að njóta liðsinnis sjúkaraþjálfarans. 46 Leikur hafinn Blikarnir leika nú með strekkingsvind í bakið. 45 Hálfleikur Það hefur verið töluvert jafnræði með liðunum en markið sem Almarr skoraði undir lok hálfleiksins skilur liðin að. Ekki gleyma því að Blikarnir reyndu að fá Almarr í glugganum en Framarar höfnuðu tilboði Breiðabliks. 44 Jon André Röyrane (Fram) fær gult spjald Fyrir brot. 44 Guðjón Pétur Lýðsson (Breiðablik) á skot sem er varið Laust skot og Ögmundur ekki í vandræðum með að verja. 43 Blikarnir fá aukaspyrnu rétt utan teigs. 42 MARK! Almarr Ormarsson (Fram) skorar Mark 0:1 Almarr renndi boltanum yfir línuna eftir fyrirgjöf frá Orra Gunnarssyni. 38 Ellert Hreinsson (Breiðablik) á skot sem er varið Ellert í góðu færi eftir fínan sprett frá Árna en boltinn fór beint á Ögmund sem varði skotið. 36 Guðjón Pétur Lýðsson (Breiðablik) á skot sem er varið Skot Guðjóns fór af varnarmanni og Ögmundur var snöggur að átta sig og varði með fætinum. 32 Árni Vilhjálmsson (Breiðablik) á skot sem er varið Árni í ágætu færi en skotið var laust og Ögmundur átti ekki í vandræðum með að handsama boltann. 30 Fyrsti hálftíminn hefur ekki verið góð skemmtun. Það er frekar fátt um fína drætti. 29 Tómas Óli Garðarsson (Breiðablik) á skot framhjá Laust skot og boltinn vel framhjá. 28 Jökull I. Elísabetarson (Breiðablik) kemur inn á 28 Nichlas Rohde (Breiðablik) fer af velli Meiddur 23 Breiðablik fær hornspyrnu 21 Almarr Ormarsson (Fram) á skot í stöng Almarr setti boltann í stöngina eftir bakfallspyrnu. Gunnleifur missti boltann eftir hornspyrnu og úr varð gott færi Framara. 20 Fram fær hornspyrnu 19 Samuel Hewson (Fram) á skot framhjá Hörmulegt skot og boltinn víðs fjarri markinu. 16 Fram fær hornspyrnu 16 Fram fær hornspyrnu 14 Breiðablik fær hornspyrnu Hætta upp við mark Framara sem náðu að bjarga í horn á elleftu stundu. 12 Fram fær hornspyrnu 8 Leikurinn fer ákaflega rólega af stað hér á Kópavogsvelli. Liðin eru bæði að þreifa fyrir sér en við bíðum enn eftir einhverjum færum og hvað þá mörkum. 3 Guðjón Pétur Lýðsson (Breiðablik) á skot framhjá Laust skot hjá Guðjóni og hættulaust. 2 Blikarnir fá aukaspyrnu rétt utan vítateigs. 1 Leikur hafinn Framarar leika í átt að Fífunni. 0 Það er fámennt en góðmennt hér á Kópavogsvellinum. Nær einu áhorfendurnir sem eru mættir eru ungir Blikar. 0 Framarar endurheimta Samuel Hewson en hann var í banni í tapi Framara gegn ÍBV á föstudagskvöldið. 0 Finnur Orri Margeisson, Nicklas Rohde, Rene Troost og Þórður Steinar Hreiðarsson koma allir inn í lið Blika eftir að hafa tekið út leikbann í leiknum gegn Val á föstudaginn. 0 Andri Rafn Yeoman miðjumaðurinn knái í liði Blika er meiddur og spilar ekki í dag. 0 Viktor Bjarki Arnarsson er ekki með Fram í dag en hann tekur út leikbann eftir að hafa fengið rautt spjald í leiknum gegn ÍBV á föstudaginn. 0 Vindinn hefur lægt töluvert hér í Kópavoginum sem og vonandi alls staðar á landinu. Aðstæður til þess að spila á Kópavogsvelli eru bara ágætar. Völlurinn lítur ágætlega út og þrátt fyrir smá kulda er ekkert því til fyrirstöðu að leikmenn bjóð upp á fína skemmtun. 0 Bæði lið voru í eldlínunni á föstudagskvöldið. Breiðablik gerði 1:1 jafntefli við Val á Vodafone-vellinum en Framarar biðu lægri hlut fyrir Eyjamönnum, 1:0, í Laugardalnum. 0 Liðin skildu jöfn, 1:1, í fyrri leiknum á Laugardalsvellinum þar sem Jordan Halsman kom Frömurum yfir en Olgeir Sigurgeirsson jafnaði metin. 0 Velkomin með mbl.is á Kópavogsvöll þar sem Breiðablik, í 4. sæti deildarinnar með 33 stig, tekur á móti Fram sem er í 9. sæti með 19 stig. Breiðablik eygir enn von um Evrópusæti en Framarar eru komnir í fallhættu eftir slæmt gengi í síðustu leikjum. Sjá meira Sjá allt Breiðablik: (4-3-3) Mark: Gunnleifur Gunnleifsson. Vörn: Þórður Steinar Hreiðarsson, Renee Troost (Gísli Páll Helgason 79), Sverrir Ingi Ingason, Kristinn Jónsson. Miðja: Finnur Orri Margeirsson, Guðjón Pétur Lýðsson, Tómas Óli Garðarsson (Viggó Kristjánsson 67). Sókn: Árni Vilhjálmsson, Nichlas Rohde (Jökull I. Elísabetarson 28), Ellert Hreinsson. Varamenn: Arnór Bjarki Hafsteinsson (M), Gísli Páll Helgason, Elfar Freyr Helgason, Olgeir Sigurgeirsson, Viggó Kristjánsson, Jökull I. Elísabetarson, Arnar Már Björgvinsson. Fram: (4-3-3) Mark: Ögmundur Kristinsson. Vörn: Orri Gunnarsson, Alan Lowing, Halldór Arnarsson. Miðja: Halldór Hermann Jónsson, Jón Gunnar Eysteinsson, Samuel Hewson. Sókn: Almarr Ormarsson, Hólmbert Aron Friðjónsson (Kristinn Ingi Halldórsson 46), Jon André Röyrane (Aron Bjarnason 61). Varamenn: Denis Cardaklija (M), Kristinn Ingi Halldórsson, Daði Guðmundsson, Haukur Baldvinsson, Aron Bjarnason, Steffen Haugland, Benedikt Októ Bjarnason. Skot: Breiðablik 14 (8) - Fram 5 (3) Horn: Breiðablik 4 - Fram 5. Lýsandi: Guðmundur Hilmarsson Völlur: Kópavogsvöllur Áhorfendafjöldi: 620. Leikur hefst 16. sept. 2013 17:15 Aðstæður: Norðan stinningskaldi, skýjað og hitinn er um 6 gráður. Völlurinn lítur ágætlega og eflaust með þeim betri á landinu um þessar mundir. Dómari: Kristinn Jakobsson Aðstoðardómarar: Jóhann Gunnar Guðmundsson og Gunnar Sverrir Gunnarsson

• Blogga um frétt