Akureyringar styrkja sig

Körfuknattleiksdeild Þórs á Akureyri hefur samið við tvo öfluga leikmenn fyrir átökin framundan. Þetta tilkynnti félagið á heimasíðu sinni í dag.

Bandaríski framherjinn Reggie Keely skrifaði undir samning sem gildir út tímabilið en hann er 204 sentímetrar sem lék í Slóveníu á síðustu leiktíð.

Þá er svissneski bakvörðurinn Jeremy Landenbergue genginn til liðs við Akureyringa en hann er 191 sentímetrar að hæð.

Akureyringar hafa ekki farið vel af stað í úrvalsdeildinni, Subway-deildinni, en liðið er án stiga í neðsta sæti deildarinnar eftir fyrstu fimm umferðirnar.

• Blogga um frétt